دوو تیرۆریستی داعش لە کەرکووکدا دەستگیر کران
کەرکووک-KDP.info- بەڕێوەبەری پۆلیسی قەزاوناحیەکانی کەرکووک ئاشکرای کرد، دوو تیرۆریستی داعشیان لە پارێزگای کەرکووکدا دەستگیر کردووە.
بەڕێوەبەری پۆلیسی قەزاوناحیەکانی کەرکووک عەمید (سەرحەد قادر) بە ماڵپەڕی فەرمیی پارتیی دیموکراتی کوردستانی ڕاگەیاند: "مانگێک لەمەوبەر دوو تیرۆریستی داعش لە فەلووجە و 'ڕومادی'ـەوە ھاتبوونە شاری کەرکووک؛ ئێمەش زانیاریمان بەدەست گەیشت و، توانیمان لە ھەڵمەتێکدا ھەردووکیان دەستگیر بکەین.
عەمید (سەرحەد قادر) گوتیشی، دوێشەو کەسێک خۆی تەقاندەوە و شەش کەسی بریندار کرد؛ کەسێکیشمان گرت و، پاشان بۆمبێک تەقیەوە و، یەکێکی بە سووکی بریندار کرد. دەیشڵێ دەستیان کردووە بە لێکۆڵینەوە.
بڵند ئیبراھیم
