سەركەوتنی پێشمەرگە باسی گەرمی نێو خەڵكی مووسڵە
_(1)__2016_08_17_h16m56s42__HK.jpg)
مووسڵ-KDP.info- هەواڵی سەركەوتنی هێزی پێشمەرگە لەبەرەی خازر و گوێڕ باسی گەرمی نێو خەڵكی شاری مووسڵە و دانیشتووانی مووسڵ دەخوازن پێشمەرگە هێرش بکاتە سەر مووسڵ.
(عسمەت ڕەجەب) بەرپرسی لقی چواردەی پارتی بە ماڵپەڕی فەرمیی پارتیی ڕاگەیاند: "لەناو جەرگەی داعشەوە زانیاریی وردمان پێ گەیشتووە، هەواڵی شەڕی هێزی پێشمەرگە لە بەرەی خازر و گوێڕەوە لەناو سەنتەری شاری مووسڵ دەنگی داوەتەوە و بووەتە باسی گەرمی نێو خەڵكی شارەكە، بەتایبەتی ئەوانەی بە دەست دەسەڵاتی تیرۆریستانی داعشەوە یاس بوونە."
عسمەت ڕەجەب گوتیشی: "دانیشتووانی شاری مووسڵ زۆر دڵخۆشن بە سەركەوتنی هێزی پێشمەرگە لە خازر و گوێڕ دا تۆماریان كردووە و چاوەڕوانن کە پێشمەرگە مووسڵ بگرێتەوە و هێزی پێشمەرگە فریایان بکەوێ."
قائید میرۆ
