كۆمەڵەی زەحمەتكێشانی كوردستان، پیرۆزبایی 16ـی ئاب لە مەكتەبی سیاسیی پارتی دەكات

بەڕێز مەكتەبی سیاسیی پارتی دیموكراتی كوردستان

بە بۆنەی حەفتاهەمین ساڵیادی دامەزراندنی پارتی دیموكراتی كوردستانەوە، گەرمترین پیرۆزبایی ئاراستەی ئێوە ‌و سەرجەم ئەندامان و پێشمەرگەكانی پارتەكەتان دەكەین.

یادی دامەزراندنی پارتی ئەمساڵ لە كاتێكدا دەكرێتەوە كە، كوردستان لە بارودۆخیكی زۆر ناسکدایە‌ و لەم دۆخەیشدا  گرینگترین ئەرك بۆ حزبێكی دەسەڵاتداری وەك پارتی، پاراستنی یەكڕیزی و یەكیەتیی گەل و هێزە سیاسییەكانییەتی.

هیوادارین ساڵی نوێ لە ژیانی پارتیتاندا ببێتە ساڵی سەركەوتن بەسەر تیرۆریستان و دژمنانی گەل و ببێتە ساڵی پەرەپێدانی دیموكراسی و چەسپاندنی یەكڕیزییەکی زۆرتر لە باشووری كوردستاندا.

لەو ڕۆژەدا سڵاو دەنێرین بۆ گیانی پاكی هەموو شەهیدانی پارتی و بزووتنەوەی رزگاریخوازی كوردستان و بنەماڵەی سەربەرزیان.

جارێكی دیكە پیرۆزبایی ئەم ڕۆژەتان لێ دەكەین ‌و هیوای سەركەوتنتان بۆ دەخوازین.

دەستەی كارگێڕیی كۆمەڵەی زەحمەتكێشانی كوردستان

16/8/2016