ئێران ناوچەی سیدەکانی دایەوە بەر تۆپ
سیدەکان-KDP.info- بەڕێوەبەری ناحیەی سیدەکان دەڵێت، ئێران ئەوەندە ناوچەی سیدەکانی تۆپباران کردووە، خەڵک نەک هەر ئاژەڵدارییان پێ ناکرێ، ڕەزوباخ و هەنگەوانییەکەیشیان لێ تێک چووە.
(کاروان کەریمخان) بەڕێوەبەری ناحیەی سیدەکان بە ماڵپەڕی فەرمیی پارتیی دیموکراتی کوردستانی ڕاگەیاند: "دیارە ئەمڕۆ تۆپخانەکانی ئێران ماوەی دوو سەعات و نیو سنووری ناحیەی سیدەکانیان تۆپباران کرد؛ خۆشبەختانە کەس نەکوژراوە، بەڵام خەڵک ترس و دڵەراوکێیان لێ نیشتووە."
(کاروان کەریمخان) گوتیشی، ئاژەڵدار ئاوارە بوونە و، خەڵک ڕەزوباخ و، کۆڵێ کەندوو و پوورەی هەنگیشیان لێ کاول بووە.
بەڕێوەبەری ناحیەی سیدەکان ڕوونیشی کردەوە، دەڤەرەکە خۆ ھیچ بنکە و بارەگایەکیشی لێ نییە، ئێران هەر بە خۆی لێمان بەهەنجەتە!
بڵند ئیبراھیم
