دەمیرتاش: دژی شەڕی پەکەکەین لە ناو شارەکانی تورکیادا

ئاژانسەکان-KDP.info-  هاوسەرۆکی هەدەپە ڕایگەیاند دژی شەڕی پەکەکەین لە ناو شارەکانی تورکیادا. 

لە لێدوانێکدا بۆ ڕۆژنامەی جمهووریەتی تورکیا، سەلاحەدین دەمیرتاش هاوسەرۆکی پارتی دیموکراتی گەلان (هەدەپە) وێڕای ئاماژە بە بڕیاری پارتی کرێکارانی کوردستان (پەکەکە) لەسەر گواستنەوەی شەڕ بۆ ناو شارە گەورەکانی تورکیا، وتی ئێمە ئەوە قبوڵ ناکەین و دژی شەڕی ناوشارین. دەمیرتاش لێدوانەکانی هاوسەرۆکی کەجەکەی ڕەتکردەوە و ڕایگەیاند شەڕی ناوشار نابەجێیە و ئێمە قەت پەسەندی ناکەین.