لە کەرکووکدا حەوت گومانلێکراو دەستگیر کران

بەڕێوەبەری پۆلیسی قەزاوناحیەکانی کەرکووک عەمید (سەرحەد قادر) بە ماڵپەڕی فەرمیی پارتیی دیموکراتی کوردستانی ڕاگەیاند: "ئەمڕۆ ھێزەکانمان ھەڵمەتیان بردە سەر حەفت بەرگومان لە گوندی قەرەتەپەی سەر بە پارێزگای کەرکووک و، هەر حەفتەکەیانمان دەستگیر کرد و، دوو ئۆتۆمبێل و دوو چەک و نزیکەی٥٠ سیمکارتیشمان پێیانەوە گرت."

 

عەمید (سەرحەد قادر) گوتیشی، لە زلکاوێکدا دوو بارەگایان بۆ خۆیان دامەزراندبوو؛ هەردوو شوێنەکەمان لێ سووتاندن.

 

بڵند ئیبراھیم