باندێكی مافیا لە بازیان دەستگیر كران

بازیان-KDP.info-  باندێكی مافیا لە ناحیەی بازیاندا ڕۆژئاوا لە سلێمانییەوە دەستگیر كران؛ بەرپرسێكی ئاسایشی ناوچەكەش دەڵێ تۆڕێكی مەترسیدار بوون و بە ناوی ئاسایشەوە تاوانیان دەکرد.

عەقید (فەرهاد محەمەد) بەڕێوەبەری ئاسایشی ناحیەی بازیان بە ماڵپەڕی فەرمیی پارتی ڕاگەیاند: "دوای دەستكەوتنی زانیاری دوێنێ هێزەكانی ئاسایش هەڵمەتیان بردە سەر گروپێكی مافیا و دەستگیریان کردن؛ تا ئێستا هەشت كەس لەو گروپە دەستگیر کراون و، حەت كەسی تریشیان ماوە هێزەكانی ئاسایش بە دوایاندا دەگەڕێن و، پەلكێشی دادگایان دەکەن."

عەقید فەرهاد ئاماژەیشی دا: "گروپەكە خەڵكی هەرێمی كوردستانن و ژمارەیان پازدە كەسە، ماوەیەكە لە دەڤەری بازیان مافیا ئاسا هەڵدەكۆتنە سەر ماڵی هاوڵاتیان و دزی و ستەمی زۆریان لە خەڵك كردووە؛ زۆر جار بە ناوی هێزەكانی ئاسایش چوونەتە سەر ماڵی هاووڵاتیان عەرەب و دزیان كردووە، گروپەكە چەندین تاوانیان کردووە و توڕێكی ترسناك بوون لەو سنوورەدا."

قاید میرۆ