باپیر کامەلا: دەستپێشخەرییەکەی سەرۆکی هەرێم، تاکە رێگەیە

سکرتێری پارتیی کرێکاران و ڕەنجدەرانی کوردستان (باپیر کامەلا) بە ماڵپەڕی فەرمیی پارتیی دیموکراتی کوردستانی ڕاگەیاند: "پێویستە ھەر کێشەیەک ڕوو بدات بە دیالۆگ و گفتوگۆ چارەسەر بکرێت، بۆیە ئێستا ناوچەکە لەبەردەم گۆرانکاریدایە بەتایبەت لەعێراق و ھەرێمی کوردستان و ئێستا شەری داعش ھەیە و دوای ئەوشەرە ئەگەری دیکە دێتە پێشەوە، بۆیە پێویستە ھەموو لایەنەکان بە پێی ئەو پەیامەی سەرۆکی ھەرێم کۆ ببنەوە و بەرنامەڕێژی بۆ ئەو ئەگەرانە بکەن."

(باپیر کامەلا) گوتیشی، سەرۆکی ھەرێمی کوردستانیش دەستپێشخەریی کردووە بۆ ئەوەی ئەو کۆبوونەوەیە بکرێت و سەرۆکی دیوانی سەرۆکایەتیی ھەرێمێشی ڕاسپاردووە سەردانی لایەنەکان بکات، بۆ ئەوەی بیروبۆچوونیان لەبارەی ئەو کۆبوونەوەیە وەربگرێت.

(کامەلا) ڕوونیشی کردەوە، ئومێدەوارین ئەو دەستپێشخەریە سەرکەوتوو بێت و ھەموو دەستپێشخەریەک ببێتە مایەی ئەوەی تەبایی دروست بکات و لایەنەکان کۆ بکاتەوە وکارێکی زۆر باشە.

گوتیشی، زۆر زەروورە کە ھەموو لایەکان پێکەوە دانیشتن بکەن. 

بڵند ئیبراھیم