ئەنجامی تاقیکردنەوەکانی پۆلی ٩ و ١٢ دوای جەژن ڕادەگەیێنرێ
هەولێر-KDP.info- وەزارەتی پەروەردەی حکوومەتی ھەرێمی کوردستان ئاشکرای کرد، دوای جەژنی ڕەمەزانی ئەنجامی تاقیکردنەوەکانی پۆلی ٩ و ١٢ی ئامادەیی دەدرێتەوە.
شۆڕش غەفووری لە ڕاگەیاندنی وەزارەتی پەروەردەی حکوومەتی ھەرێمی کوردستانەوە بە ماڵپەڕی فەرمیی پارتیی دیموکراتی کوردستانی ڕاگەیاند: "کارکردن لە ئەنجامی تاقیکردنەوەکانی پۆلی ٩ و ١٢ـی ئامادەیی بەردەوامە و، هێشتا تەواو نەبووە، بۆیە پێ ڕاناگەین بەر لە جەژنی ڕەمەزان ئەنجامەکان بدەینەوە.
شۆڕش غەفووری گوتیشی، دانەوەی ئەنجامەکان دەکەوێتە دوای جەژنی ڕەمەزان، بەڵام دیار نییە لە چ ڕۆژێکدا ئەنجامەکان ئاشکرا دەکرێت.
بڵند ئیبراھیم
