هیچ شەڕێک بەبێ پێشمەرگە لە مووسڵ و دەشتی نەینەوادا سەر ناگرێت

هەولێر - KDP.info-فەرماندەیەکی هێزی پێشمەرگەی کوردستان ئاماژە بەوە دەکات کە سەرکەوتنی بارزانی و پێشمەرگە لە بەرانبەر داعش وای کردووە بەبێ ئەوان هاوپەیمانان هیچ جووڵەیەک نەکەن.

سەربەست تروانشی، فەرماندەی گشتی هێزی پێشمەرگە لە محیوەری ناوەران بە ماڵپەڕی فەرمیی پارتی دیموکراتی کوردستانی ڕاگەیاند: "هێزی هاوپەیمان و ئەمەریکا بەشێوەی ڕاستەوخۆ مامەڵە لەگەڵ بارزانیدا دەکەن؛ ئاخر وا دەبینن چۆن داعشی هەڵەوگیر کردووە و، شکاندوونی."

ئەو فەرماندەی پێشمەرگە دەیشڵێت: "هاوپەیمانان و، ئاسمانەهێزەکەیان، بەبێ پرسی بارزانی، هیچ جووڵەیەک ناکەن؛ ئاخر بە تەجرەبە بینیویانە بەبێ بارزانی زەحمەتە ئامانجی خۆیان بپێکن."

گوتیشی: "هیچ شەڕێکیش بەبێ پێشمەرگە لەو مووسڵ و دەشتەی نەینەوادا سەر ناگرێت؛ هەتا پرسیش بە بارزانی نەکرێ، کەس بەرەو مووسڵ ناجووڵێتەوە".

کارزان سەباح هەورامی