هێڵی ئینتەرنێت لە هەرێم ڕادەگیرێت
هەولێر-KDP.info- لەسەر داوای وەزارەتی پەروەردە و لە پێناو رێگریكردن لە قۆپیەكردن، لە كاتی تاقیكردنەوەكانی كۆتایی ساڵدا، هێڵی ئینتەرنێت لە هەرێم رادەگیرێت.
گوتەبێژی وەزارەتی گواستنەوە و گەیاندنی حكوومەتی هەرێمی كورستان (ئومێد محەممەد ساڵح)، بە ماڵپەری فەرمیی پارتی دیموكراتی كوردستانی راگەیاند، لەسەر داوای وەزارەتی پەروەردەی حكوومەتی هەرێمی كوردستان و بۆ رێگریكردن لە قۆپیكردن لە تاقیكردنەوەكانی كۆتایی ساڵی هەردوو پۆلی ٩و١٢، لە كاتی بەرێوەچوونی تاقیكردنەوەكانەوە تا كۆتایی، هێڵی ئینتەرنێت لە هەرێمی كوردستان دەبڕدرێت.
(ساڵح ) گوتیشی: "داوامان لە كۆمپانیاكان كردووە كە پێویستە چارەیەك بۆ ئەو شوێنانە بدۆزرێتەوە كە زۆر پێویستن بۆ ئەوەی هێڵەكەیان نەبڕدرێت، لەوانە ئاساییش، بەرەی جەنگ، هەندێك لە بانكەكان و چەند شوێنێكی دیكە".
بڵند ئیبراهیم
