مامۆستایەکی زانکۆی کۆڵۆمبیا: کورد هەر سەربەخۆییەکەی ڕادەگەیێنێت
ئاژانسەکان-KDP.info- مامۆستایەکی زانکۆی کۆڵۆمبیا دەڵێت کوردەکان لە عێراق جیا دەبنەوە.
لە دیمانەیەکدا لەگەڵ گۆڤاری (کریستیان ساینس مۆنیتۆر)، پڕۆفیسۆر (دێڤید فلیپس) مامۆستای زانکۆی کۆڵۆمبیا باس لەوە دەکات کە کوردەکان ڕێککەوتننامەی سایکس‌پیکۆ بە بڕاوە و دڕاو دەزانن بەوەی کە نادادپەروەرییان دەرهەق کراوە.
ئەو پڕۆفیسۆرە دەڵێت "پێم وا نییە کوردەکان لەگەڵ عێراقدا بمێننەوە، ئەوان دەربارەی سەربەخۆیی، ڕیفراندۆم دەکەن و سەرەنجام سەربەخۆیی ڕادەگەیێنن؛ جا ئا لەو یەک ساڵەدا دەربارەی جیابوونەوەی دۆستانە لە عێراق، دەکەونە گفتوگۆ."
