پێنتاگۆن: تێچووی ڕۆژانەی شەڕی داعش، 11 ملیۆن و 600 هەزار دۆلارە
واشنتن-KDP.info- وەزارەتی بەرگریی ئەمەریكا، لە ڕاپۆرتێكدا تێچووی شەڕی داعشی بڵاو كردەوە.
بەپێی ڕاپۆرتێكی پێنتاگۆن، لە یەكەم ڕۆژی شەڕی داعشەوە لە 8ـی ئابی ساڵی 2014 تا كۆتایی مانگی ڕابردوو، تێچووی ئەو شەڕە نزیكەی 7 ملیار دۆلار بووە كە دەكاتە 11 ملیۆن و 600 هەزار دۆلار لە ڕۆژێكدا.
بەپێی ڕاپۆرتەكەی وەزارەتی بەرگریی ئەمەریكا، لەسەدا 48ـی خەرجییەكان، سەرفی هێرشە ئاسمانییەكان لە دژی بنكە و مۆڵگەی چەكدارانی داعش كراوە. ئەوانەی دیكەیش لە كاری لۆجستی، چاودێریكردن و هەروەها چەك و كەلوپەلی سەربازی خەرج كراون.
