"به‌م نزیكانه‌ كاروانێكی چه‌كی ئه‌مه‌ریكا ده‌گاته‌ ده‌ستی پێشمه‌رگه‌"

ئه‌مه‌ریكا-KDP.info-  به‌رپرسێكی باڵای وه‌زاره‌تی به‌رگری ئه‌مه‌ریكا ده‌ڵێ، له‌م نزیكانه‌ و له‌م چه‌ند حه‌فته‌یه‌دا ئه‌مه‌ریكا كاروانێكی چه‌ك و پێداویستی سه‌ربازی ده‌گه‌یێنێتە‌ هه‌رێمی كوردستان بۆ ئه‌وه‌ی بدرێته‌ پێشمه‌رگه‌ و له ‌شه‌ڕی دژ به‌ داعشدا به‌كار بهێنرێ.

به‌گوێره‌ی هه‌واڵێكی (هگزانیوز) ئه‌مه‌ریكا له‌ كۆگای چه‌ك و ته‌قه‌مه‌نی خۆی له‌ كوێتدا به‌نیازه‌ چه‌نده‌ها جۆری چه‌ك و ئۆتۆمبێلی گولله‌نه‌بڕ و ، موەلیده‌ی كاره‌با و، كه‌لوپه‌لی گه‌یاندن و، پزیشكی و، جلوبه‌رگی سه‌ربازیی گولله‌نه‌بڕ بگه‌یێنێتە‌ هه‌رێمی كوردستان بۆ ئه‌وه‌ی بدرێته‌ پێشمه‌رگه‌ و له ‌دژی داعشدا به‌كار بهێنرێ.
به‌ گوێره‌ی سه‌رچاوه‌هه‌واڵه‌كانی مێدیای ئه‌مه‌ریكایش،‌ ساڵی 2016 كاروان دوای كاروان چه‌كی ئه‌مه‌ریكا ده‌درێته‌ هه‌رێمی كوردستان. به ‌گوێره‌ی بڕیارێكی ئه‌نجوومه‌نی نوێنه‌رانی ئه‌مه‌ریكایش پێشمه‌رگه‌ ده‌بێ بۆ ماوه‌ی سێ ساڵ ڕاسته‌وخۆ له‌لایه‌ن ئه‌مه‌ریكاوه‌ پڕچه‌ك بكرێ.
شاو كوردی