كەركووك.. 4 تاوانبار دەستگیر كران كە هاوكاری داعش بوون

كەركووك-KDP.info- پۆلیسی قەزا و ناحیەكانی كەركووك، دوای كۆكردنەوەی زانیاری توانیویانە لەنێو شاری كەركووك ژمارەیە‌ك تاوانبار دەستگیر بكەن كە هاوكاری تیرۆریستانی داعش بوون.

عەمید (سەرحەد قادر) بەڕێوەبەری پۆلیسی قەزا و ناحیەكانی كەركووك، بە ماڵپەری فەرمیی پارتیی دیموكراتی كوردستانی راگەیاند: "هێزەكانمان لە پۆلیسی قەزا و ناحیەكان دوای كۆكردنەوەی زانیاری لەنێو شاری كەركووك، توانییان چوار  تاوانبار دەستگیر بكەن كە دەستیان لەگەڵ تیرۆریستانی داعشدا هەبووە و خەڵكیان ڕفاندووە".

عەمید (سەرحەد) گوتیشی: "ئەم تاوانبارانە لە كاتی ڕفاندنی كەسەكاندا هەڵدەستان بە زۆرلێكردنی بنەماڵەی ئەو كەسانەی كە ڕفاندوویانن تا تۆمەتبارانی راگیراو بەپێی ماددەی (4)ـی تیرۆر ئازاد بكرێن".

 

نەشوان بەرزنجی