22 داواكراو و گومانلێكراو لە كەركووك دەستگیر كران
كەركووك-KDP.info- پۆلیسی قەزا و ناحیەكانی كەركووك، بە هاكاری لەگەڵ هێزەكانی ئاساییش و پۆلیسی فریاكەوتن، توانیویانە لەنێو شاری كەركووك و دەوروبەری لە ئۆپەراسیۆنێكدا ژمارەیەك داواكراو و گومانلێكراو دەستگیر بكەن.
عەمید (سەرحەد قادر)، بەڕێوەبەری پۆلیسی قەزا و ناحیەكانی كەركووك، بە ماڵپەری فەرمیی پارتیی دیموكراتی كوردستانی راگەیاند: "هێزەكانمان لە پۆلیسی قەزا و ناحیەكان، بەرەبەیانیی ئەمڕۆ سەعات 5 لە ئۆپەراسیۆنێكدا بە هاوكاریی هێزەكانی ئاسایش و پۆلیسی فریاكەوتنی كەركووك، 22 داواكراو و گومانلێكراومان دەستگیر كرد".
عەمید (سەرحەد) گوتیشی: "ئەو دەستگیركراوانە لە سنووری ناحیەی تازە و گوندی چەرەداغ و گەڕەكی سیناعە دەستگیر كراون كە ژمارەیەك كەسیان تێدایە خەڵكی ناوچەكانی دیكەی عێراقن و، زانیاریی ئەمنی لەسەریان هەیە و ئێستا لە ژێر لێكۆڵینەوەدان".
نەشوان بەرزنجی
