سەرۆكی هەرێمی كوردستان پێشوازی لە ئوسامە نوجەیفی کرد
هه‌ولێر-KDP.info- سه‌رۆكی هه‌رێمی كوردستان (مه‌سعوود بارزانی) پێشوازی له (ئوسامە نوجەیفی) سەرۆکی ئیئتیلافی موتەحیدون بۆ چاکسازی كرد و له‌دیداره‌كه‌دا باس لە بارودۆخی پارێزگای ئەنبار و نەینەوا و سەلاحەدین كرا و چۆنییەتی ڕووبەڕووبوونەوەی تیرۆریستان و ئازادكردنی ناوچەكانی ژێر دەسەڵاتی داعش خرایە بەر باس.
ڕۆژی شەممە ٧ـی ١١ـی ٢٠١٥ (مەسعوود بارزانی) سەرۆكی هەرێمی كوردستان، پێشوازی لە (ئوسامە نوجەیفی) سەرۆکی ئیئتیلافی موتەحیدون بۆ چاکسازی كرد.
لە دیدارەكەدا بارودۆخی سیاسیی عێراق و دواپێشهاتە ئەمنییەكان و بارودۆخی بەرەکانی ڕووبەڕووبوونەوە لەگەڵ تیرۆریستان تاوتوێ كرا. هەروەها باس لە بارودۆخی پارێزگای ئەنبار و نەینەوا و سەلاحەدین كرا و چۆنییەتی ڕووبەڕووبوونەوەی تیرۆریستان و ئازادكردنی ناوچەكانی ژێر دەسەڵاتی داعش خرایە بەر باس.
باسکردنی ڕەوشی ناوچەکە بەگشتی، تەوەرەێکی دیکەی دیدارەکە بوو.
