داعش ١٢ كۆنەسەربازی كوردی كوشتن و خۆیشی ٢٨ـی لێ كوژراون
مووسڵ-KDP.info- تیرۆریستانی داعش ١٢ هاووڵاتی كوردیان گولـلەباران كردن و لەنێو خۆیشیاندا 17ـیان لە یەكتری كوشتن، ئەمڕۆیش لە ئەنجامی تەقینەوەیەكدا 11ـیان لێ كوژران.
بەرپرسی ڕاگەیاندنی لقی چواردەی پارتیی دیموكراتی كوردستان (سەعید مەموزینی) بە ماڵپەڕی فەرمیی پارتیی دیموكراتی كوردستانی گوت: "ئەمڕۆ دووشەممە، لە گوندی شەمسیات، تیرۆریستانی داعش 12 هاووڵاتی كوردیان گولـلەباران كردن كە لە سوپای پێشووی عێراقدا خزمەتیان دەكرد و، دوای هاتنی داعشیش بۆ مووسڵ، تۆبەنامەیان نووسیبوو".
(مەموزینی) دەشڵێت: "لە "بلیج" تیرۆریستانی داعش لەگەڵ هۆزی بۆمتویت بووە شەڕیان و 17 داعش كوژران، لە "بعاج"ـیش ئۆتۆمبێلێلكی بۆمبڕێژكراو بە بارەگایەكی داعشدا تەقییەوە و بە هۆیەوە 9 داعش كوژران كە 2ـیان ئەمیرن بە ناوی (ئەبوعەدنان) و (ئەبودڵشاد)".
نەشوان بەرزنجی
