فازڵ میرانی بۆ هێزه سیاسییه‌كان: پێویسته هه‌موو دوومانگ جارێك كۆبوونه‌وه‌ی له‌و شێوه‌یه بكرێت
هه‌ولێر-KDP.info-سكرتێری مه‌كته‌بی سیاسی پارتیی دیموكراتی كوردستان (فازڵ میرانی) له‌میانی پێشوازیكردنی له هێزه سیاسییه‌كانی هه‌رێم رایگه‌یاند كه، ئێمه هه‌موومان شه‌ریكى ئه‌م نیشتمانه‌ین و ئه‌مڕۆ هه‌موومان له ناو پاپۆڕێك داین و چاره‌نووسمان به‌یه‌كه‌وه به‌ستراوه، بۆیه پێویسته هه‌ردوو مانگ جارێك ئه‌و كۆبوونه‌وانه بكرێت.
له باره‌گاى مه‌كته‌بى سیاسى پارتیی دیموكراتى كوردستان (فازڵ میرانى) سكرتێرى مه‌كته‌بى سیاسى پێشوازى له هێزه سیاسییه‌كانى كوردستان كرد.
(فازڵ میرانى) كۆبونه‌وه‌كه‌ى له‌گه‌ڵ لایه‌نه سیاسیه‌كان، به كۆبونه‌وه‌یه‌كى گرینگى پێكهاته‌ى سیاسى و نه‌ته‌وه‌یى و ئایینى ناوبرد و دووپاتیشى كرده‌وه ده‌بێت هه‌ر دوو مانگ جارێك به لایه‌نى كه‌مه‌وه ئه‌م جۆر كۆبونه‌وانه ئه‌نجام بدرێن بۆ له‌یه‌كترگه‌یشتن و دانووستانى ئه‌رێنى له‌گه‌ڵ یه‌كتر بۆ زه‌مینه خۆشكردن بۆ كارى هاوبه‌ش و پێكه‌ویى له پرۆسه‌ى سیاسى كوردستان و دوور له لاپه‌ڕه‌كانى مێدیا، ئێمه هه‌موومان شه‌ریكى ئه‌م نیشتمانه‌ین و ئه‌مڕۆ هه‌موومان له ناو پاپۆڕێك داین و چاره‌نووسمان به‌یه‌كه‌وه به‌ستراوه.
پشتره سه‌كره‌ته‌رێ مه‌كته‌با سیاسى سوپاسیا وان ئالى یێن سیاسى كر كو ئه‌ركه‌كه نیشتیمانى ل دۆر مژارا سه‌رۆكاتی یا هه‌رێمێ پێكانینه، د هه‌ر شه‌ر و ئالۆزیه‌كێ ده یه‌كه‌م تشت كو دبه قوربانى مرۆڤانتیه، پشتره جان و مال تێ بێ جداهیا ناڤبه‌را وان ده. میرانى بالكشانده سه‌ر وێ یه‌كێ ژى ل سالا دو هه‌زار و سێ ل ئێراق و ل كوردستانێ هه‌ر هوكومرانیه‌ك ب سازانێ بوویه، لێ نها مخابن دبێژن پشتگیرى یا سیاسى ژبۆ هوكوومه‌تا هه‌رێما كوردستانێ نییه، لێ به‌رۆڤاژى ڤێ یه‌كێ یه. هه‌روه‌ها ته‌كه‌ز كر كو پارتیا ده‌موكراتا كوردستانێ ل دژى كێمكرنا كورسى یێن كوتایێ نه، لێ به‌لێ باش ئه‌وه هێژى بێن زێده‌كرن، ژبه‌ر كو رۆلا وان د پرۆسێسا سیاسى ده به‌ربچاڤه و ئه‌ڤ دبه سه‌ده‌ما هێژى نێزیكرنا نه‌ته‌وه‌ێن كوردستانێ ژ هه‌ڤدو.
ل دۆر پێكهانینا هوكوومه‌تێ ژى میرانى گۆت: ئه‌م هه‌موو دزانین كو سازان دناڤبه‌را ئالیان ژبونا به‌رژوه‌ندى یێن بلندێن گه‌لێ كوردستانێ و پارتى به‌شه‌ك ژ مافێن خوه كره قوربانى داكو ئه‌ڤ هوكوومه‌ت یا بنگه‌ه فره‌ه بێ ئاڤاكرن و هه‌موو پۆستێن پارله‌مێنتێ و هوكوومه‌تێ ژى ب سازان دناڤبه‌را ئالیان ده هاتنه پارڤه‌كرن، ژبۆ مه ژى پاراستنا بده‌ستخستنا گه‌له‌كى گرنگتره ژ پۆست و پله‌یان. د هه‌مان ده‌مێ ده سه‌كرته‌رێ مه‌كته‌با سیاسى یێ پارتیێ ره‌وشا جڤینێن پێنج ئالى ژبۆ وان ئالیان شیرۆڤه‌كر و دیتنا پارتیێ ژى راگه‌هاند كو ئاماده‌یه به‌شداریێ ب هه‌موو پێكهاتێن نه‌ته‌وه‌یى و ئالى یێن سیاسى بكه، ژبه‌ر كو ئه‌ڤ پرسه‌كه نشتیمانى یه.
هه‌ر د جڤینێ ده ئالى یێن ئاماده‌بوویى دیتن و نێرێن خوه ل دۆر پرسا سه‌رۆكاتیێ به‌رچاڤكرن و ته‌كه‌ز ل سه‌ر جانێ نیشتمان په‌روه‌ریێ دوور ژ به‌رژوه‌ندى یێن به‌رته‌سكێن حزبى كر و پشتگیرى یا ته‌مام یا جڤینێن پێنج ئالیان كر ژبۆ گه‌هشتن ب سازانێ و پاراستنا یه‌كرێزى یا گه‌لێ كوردستانێ.
