ھاشم سیتەیی: ھێرشێکی داعش تێک‌شکێندرا و زیاتر لە٢٠كوژراویان هه‌یه
شنگال-KDP.info- فەرماندەی میحوەری شنگال ده‌ڵێت، پێشنیوەڕۆی ئەمڕۆ شەممە، تیرۆریستانی داعش ھێرشیان کردە سەر سەنگەرەکانی ھێزی پێشمەرگە، بەڵام رووبەڕوویان بوونەوە و تێکیان‌شكاندن و زیاتر لە ٢٠تیرۆرستیش کوژران.
(ھاشم سیتەیی) فەرماندەی میحوەری شنگال، بە ماڵپەری فەرمیی پارتیی دیموکراتی کوردستانی راگەیاند: "پێشنیوەڕۆی ئەمڕۆ لە نزیک قەڵای سمایل بەگ لەناو شنگال، تیرۆریستانی داعش ھێرشیان کردە سەر ھێزی پێشمەرگە، بەڵام ھەر زوو ھێزی پێشمەرگە بە توندی رووبەڕوویان بووەوە و ھێرشەکەی داعشیان تێک‌شکاند و زیانی زۆریان پێگەیاندن."
بە گوتەی (سیتەیی)، لەو شەڕەدا فرۆکە جەنگییەکانی ھاوپەیمانانیش ھاوکاریی ھێزی پێشمەرگەیان کرد و زیاتر لە ٢٠تیرۆریست کوژران و، لەئێستایشدا شەرەکە تەواو بووە و رەوشە ئارامە.
بڵند ئیبراھیم
