سەرۆک بارزانی: با مانگی پیرۆزی ڕەمەزان بکەینە دەرفەتێک بۆ هاوکاری و ئاشتی و لێبوردەیی
هەولێر-KDP.info- سەرۆکی هەرێمی کوردستان(مەسعوود بارزانی)، وێڕای پیرۆزکردنی هاتنەوەی مانگی ڕەمەزان لە موسوڵمانانی کاوردستان و جیهان، لە پەیامێکیدا رایدەگەیەنێت، "با مانگی پیرۆزی ڕەمەزان بکەینە دەرفەتێک بۆ هاوکاری و ئاشتی و لێبوردەیی کە پەیامی سەرەکیی ئایینی پیرۆزی ئیسلامە."
دەقی پەیامی سه‌رۆك بارزانی بە بۆنەی هاتنه‌وه‌ی مانگی ره‌مه‌زانی پیرۆز:
بسم الله الرحمن الرحیم
(شهر رمضان الذی انزل فیه القرآن هدى للناس و بینات من الهدى و الفرقان(
- صدق الله العظیم-
به بۆنه‌ی هاتنه‌وه‌ی مانگی ره‌مه‌زانی پیرۆزه‌وه، گه‌رمترین پیرۆزبایی له سه‌رجه‌م موسڵمانانی جیهان به گشتی و كوردستان و عێراق به تایبه‌تی ده‌كه‌م.
هیوادارم هاتنه‌وه‌ی مانگی پڕ به‌ره‌كه‌ت و ره‌حمه‌تی ڕەمەزان ببێته مایەی کۆتاییهاتنی ناخۆشی و کاولکاری و هاتنی خێر و خۆشی و ئارامیی زیاتر بۆ گه‌لی كوردستان و، دەربازبوونی گەلانی عێراق لە مەینەتی و ناخۆشی و بڵاوبوونەوەی ئاشتی و پێکەوەژیان و ئاسوودەیی بۆ هەموو مرۆڤایەتی.
با مانگی پیرۆزی ڕەمەزان بکەینە دەرفەتێک بۆ هاوکاری و ئاشتی و لێبوردەیی کە پەیامی سەرەکیی ئایینی پیرۆزی ئیسلامە.
مسعود بارزانی
سه‌رۆكی هه‌رێمی كوردستان
1 ـی ڕەمەزانی 1436ی کۆچی
18ـی6ـی2015
