سەرۆك بارزانی پێشوازیی لە باڵیۆزی بەریتانیا لە عێراق كرد.. بەریتانیا پاڵپشتیی بۆ هەرێم دووپات كردەوە

هەولێر-KDP.info- (سەرۆك بارزانی )و باڵیۆزی بەریتانیا لە عێراق كۆ بوونەوە و لە میانەی دیدارەكەدا پێوەندیی نێوان هەرێمی كوردستان و بەریتانیا خرایە بەر باس و هەروا باڵیۆزی بەریتانیا پشتگیریی وڵاتەكەی بۆ هەرێمی كوردستان دووپات كردەوە.

سەرۆكی هەرێمی كوردستان (مەسعوود بارزانی) ئەمڕۆ دووشەممە 16ـی 2ـی 2015 لە سەڵاحەددین پێشوازیی لە باڵیۆزی بەریتانیا لە عێراق (فڕانك باكر) و شاندێكی یاوەری كرد.
لە دیدارێكدا بارودۆخی سیاسی و ئەمنیی عێراق و هەروا پێوەندییەكانی هەرێم و بەغدا خرایە بەر باس و قسەیش لەبارەی پەیوەندییەكانی نێوان هەرێمی كوردستان و بەریتانیا كرا.
هەر لەم كۆبوونەوەیەدا باڵیۆزی بەریتانیا لە عێراق پاڵپشتیی وڵاتەكەی بۆ هەرێمی كوردستان و هێزی پێشمەرگە دووپات كردەوە.