کەرکووک..داعش لە حەویجە 170 كەسی دەستگیر كردن
كەركووك-KDP.info- تیرۆریستانی داعش لە سنووری پارێزگای كەركووك، ژمارەیەكی زۆری هاووڵاتییانی بە بیانووی كاركردن بۆ دەزگا ئەمنییەكان دەستگیر كردن.
بەڕێوەبەری پۆلیسی قەزا و ناحیەكانی كەركووك عەمید (سەرحەد قادر)، بە ماڵپەڕی فەرمیی پارتیی دیموكراتی كوردستانی راگەیاند، داعش لە سنووری قەزای حەویجە ژمارەیەكی زۆر هاووڵاتیی عەرەبی دەستگیر كردوون، بەڵام ژمارەكەیان نەزانراوە.
عەمید (سەرحەد) گوتیشی، ئەو هاوڵاتیانە بە بیانووی سیخوڕیكردن و پێدانی زانیاری بە دەزگا ئەمنییەكان، دەستگیر كراون.
بەگوێرەی سەرچاوەكانی هەواڵیش، ژمارەی ئەو كەسانەی لەلایەن داعشەوە دەستگیر كراون، لە 170 كەس زیاترن.
بڵند ئیبراهیم
