ده‌زگای بارزانی، بەشی 600 خێزان، پێداویستی و خۆراکی بەسەر ئاوارەکانی کەمپی به‌حركه‌دا دابه‌ش كرد

هەولێرـــKDP.infoـــ ده‌زگای خێرخوازیی بارزانی، له‌ درێژه‌ی كاروچالاكییه‌كانیدا 700 كارتۆن نان و 480 ڕایەخ و 1440 هەور (ئیسفەنج)ـی خێوەتی داوە بە ئاوارەکانی کەمپەکەی بەحرکە.

ئه‌مڕۆ له‌ هه‌ڵمه‌تێكدا له‌ كه‌مپی به‌حركه‌ ـــ كه‌ تایبه‌ته‌ به‌ په‌نابه‌رە ئێزدی و شه‌به‌ك و عه‌ره‌بەکانی شنگال ـــ لە دەزگای خێرخوازیی بارزانییەوە 700 كارتۆن نانیان به‌سه‌ر ئاوارەکاندا دابەش کرد. بێجگە لەوە، به‌ هاوكاریی ڕێكخراوی UNHCR،480 ناوپۆشی خێوه‌ت و 1440 پارچەهەوریشان(ئیسفەنج) پێ دان؛ ئەو جۆرە هەورە هەم دەکرێتە ڕایەخ، هەمیش گەرما گل دەداتەوە.