داعش چوار سەركردەی خۆیانی گولـلەباران كردن

مووسڵ-KDP.info- بەرپرسێكی پارتی ئاشكرای كرد کە، چەكدارانی داعش بە تۆمەتی خیانەت لە ڕێكخراوەكەیاندا، چوار سەركردەی خۆیانیان گوللەباران كردووە.
بەرپرسی لقی چواردەی پارتیی دیموكراتی كوردستان لە مووسڵ(عیسمەت ڕەجەب)، بە ماڵپەڕی ەفرمیی پارتیی دیموکراتی کوردستانـی ڕاگەیاند: "لە پارێزگای مووسڵ ڕێكخراوە تیرۆریستەکەی داعش (مستەفا كەنعان)، (ئیبراهیم عەفری)، (وەلید جبووری) و (حەسەن عەفری)ـی بە تۆمەتی خیانەت گولـلەباران كردوون؛ هەرچواریشیان سەركردەی گەورەی خۆیان بوون."
ئەوەشی خستەڕوو، لە ترسی هێرشكردنە سەر مووسڵ، دەیان خێزان بەرەو شاری ڕەققە لە سووریا هەڵاتوون.
بڵند ئیبراهیم