ئەنتەرپوول بە دوای قەرەزاویدا دەگەڕێ

نیویۆرک-KDP.info-CNN-  پۆلیسی نێودەوڵەتی کە بە (ئەنتەرپوول) ناسراوە، بانگخوازی ئیسلامی، کە سەرۆکی یەکیەتیی زانایانی موسوڵمانانی جیهانیشە(یووسف قەرەزاوی) خستووەتە نیو لیستی داواکراون.
لە ڕاپۆرتی ئەنتەرپوولدا هاتووە کە، (یووسف قەرەزاوی)، کە هەڵگری ڕەگەزنامەی میسڕ و هاوکات قەتەریشە، بە تۆمەتی هاندان و هاوکاریکردنی کوشتنی بە مەبەست، هاوکاریکردنی زیندانیان لە ڕاکردنیان و سووتاندن و پشێوی نانەوە و دزی، لە لایەن دەستەڵاتدارانی میسڕەوە داواکراوە.
ڕاپۆرتەکە هەروەها ئاماژەی داوە کە، هەر کەس زانیاریی لەسەر (قەرەزاوی) هەیە، پۆلیسی ناوچەکەی خۆی لی ئاگادار بکاتەوە.

زریان زیاد