والیی گەیارە و دوو برای، كوژران

مووسڵ-KDP.info-  لە ئاكامی بۆردوومانكردنی مۆڵگەكانی داعش لەلایەن فڕۆكە جەنگییەكانی هاوپەیمانانەوە، والیی تیرۆریستانی داعش و دوو برای، لە ناحیەی گەیارەی باشووری مووسڵ كوژران.

بەرپرسی لقی چواردەی پارتیی دیموكراتی كوردستان لە مووسڵ (عیسمەت رەجەب) بە kdp.infoـی راگەیاند، فڕۆكە جەنگییەكانی هاوپەیمانان بارەگای داعشیان لە ناحیەی گەیارەی باشووری مووسڵ، بۆردوومان كرد و، لە ئاكامدا والیی داعش لە ناحیەكە بە ناوی (ئەبو مهاجر ئەلمزروكی) و، دوو برای كوژران.
(عیسمەت رەجەب) دەشڵێت، تەرمی هەر سێ كوژراوەكەی تیرۆریستان، رەوانەی پزیشكی دادوەریی مووسڵ كراون.
بڵند ئیبراهیم