پرسەنامەی (سەرۆك بارزانی) بۆ بنەماڵەی (مەلا كەریمی شاریكەندی)

بەڕێزان خانەوادەی شەهید (مەلا كەریمی شاریكەندی) لە مەهاباد

بەداخێكی زۆرەوە هەواڵی كۆچی دوایی كەسایەتیی تێكۆشەر و ناسراوی موكریان، كاك (مستەفا شاریكەندی) كوڕی شەهید (مەلا كەریمی شاریكەندی)ـمان پێ گەیشت و زۆر خەمباری كردم.

خۆم بە هاوبەشی خەمتان دەزانم و سەرەخۆشی لە خانەوادە تێكۆشەر و سەربەرزەكەتان و سەرجەم خزم و كەسوكارتان و هاوڕێیانی خوالێخۆشبوو دەكەم.

لە خوای گەورە داواكارم گیانی پاكی كاك (مستەفا) بخاتە بەر دلۆڤانیی خۆی و دڵنەوایی و ئارامییش بە هەموو لایەك ببەخشێت.

اناللەواناالیەراجعون

مەسعوود بارزانی

سەرۆكی هەرێمی كوردستان

6ـی 8ـی 2014