بڕیارە کۆبوونەوەی نێوان پارتی و سەدر و حەلبووسی بەڕێوەبچێت
بەغدا-KDP.info- بڕیارە کۆبوونەوەی سێ قۆلی لە نێوان پارتی و سەدر و حەلبووسی بەڕێوەبچێت و گوتەبێژی فڕاکسیۆنی پارتیش دەڵێت، دانوستان لە نێوان ھەرسێ لایەنی ھاوپەیمانیەتی بەردەوامی ھەیە.
ڤیان دەخیل، گوتەبێژی فڕاکسیۆنی پارتی لە پەرلەمانی عێراق، بە ماڵپەڕی فەرمیی پارتی دیموکراتی کوردستانی ڕاگەیاند: "دانوستانەکانی پارتی و لایەنی سووننی و سەدری بەردەوامیان ھەیە بۆ پێکھێنانی حکوومەتی نوێی عێراق، بڕیارە کۆبوونەوەش بکرێت لە داھاتوودا".
ھاوکات سەرچاوەیەک بە ماڵپەڕی فەرمیی پارتی دیموکراتی کوردستانی ڕاگەیاند: "لە پەیوەندی تەلەفۆنی نێوان سەرۆک بارزانی و موقتەدا سەدردا، لە پێنچ شەممەی ڕابردوو ڕێککەوتن کە کۆبوونەوەی سێ قۆلی بەڕێوەبچێت، ئەمەش بۆ چارەسەرکردنی پرسەکان و کۆبوونەوەکەش لە شاری ھەولێر بەڕێوەدەچێت".
قائید میرۆ
