بەكەمترین ماوە پاسەپۆرت بە هەموو كەسیك
فاتیح برزنجى
عەمید دیدار بەڕێوەبەری پاسەپۆرتی هەولێر دەڵێت: لەماوەی دووساڵی داهاتوودا وا دەكەین كەبەشێكی هەرە زۆری هاووڵاتیان پاسەپۆرت بەدەست بهێنن لەسەر زۆرترین دەرهێنان و تەواو كردنی پاسەپۆرت لەهەولێر و لەسەر بەدەستهێنانی ژمارەیەكی یەكجار زۆر لەپاسەپۆرت بۆهاووڵاتیان لە ساڵی 2011پلەی یەكەممان بەدەست هێنانی لەسەر ئاستی پارێزگاكان عێراق و هەرێمی كوردستان زیاتر لە (158)هەزار پاسەپۆرت بۆهاووڵاتیان تەواوكراوەو بەسەریاندا دابەشكراونەتەوەو لەساڵی 2012ش ڕێژەكەی زیادی كردو بوو بە (166)هەزار و (891)پاسەپۆرت لەشاری هەولێر.
دانانی دوو
نووسینگە بۆنەهێشتنی ڕۆتین و جەنجاڵی
دواتر لەعەمید ماڤپەروەر دیدار عومەر قادر بەرێوەبەری پاسەپۆرتی هەولێرمان پرسی ئایا هاووڵاتیان لەهەردوو نووسینگەی پاسەپۆرت دەتوانن پاسەپۆرت وەرگرن؟
بەڵی هاووڵاتیان لە هەر دوو نووسینگەی پاسەپۆرتی یەك و دوو دەتوانن مامەڵەی دەرهێنانی پاسەپۆرت ئەنجامبدەن و بەبێ جیاوازی و ڕەچاو كردنی شوێنی دوو كاریان بۆتەواو دەكرێ چ لە نوسینگەی دوو چ لەنوسینگەی یەك و ڕۆژانە لەهەردوو نووسینگەی پاسەپۆرت (600-700)كەس سەردانیمان دەكەن بەمەبەستی وەرگرتنی پاسەپۆرت و لەهەردوو نووسینگەی پاسەپۆرتی هەولێر جەنجاڵی نەماوەو لەماوەی نیو كاتژمێر كاریان بۆ تەواو دەكرێت وكێشەی پاسەپۆرت لەلای ئێمە نەماوە وهەموو كەسێك بە ئاسانی دەتوانێ ببێتە خاوەنی پاسەپۆرتی خۆیان بەو مەرجەی كەڕەگەزنامەو ناسنامەكەی فسفۆربێت دەبوایە پارساڵ ڕەگەزنامەو ناسنامەی باری شارستانی فسفۆر بووایە بەڵام لەبەرجەنجاڵی هاووڵاتیان ماوەكەی درێژكرایەوە بۆ ئەمساڵ و پارساڵیش كارمان بەرگەزنامەو ناسنامەی كۆن كرد بەڵام لەساڵی 2013وەكار لەسەر ڕەگەزنامەو ناسنامەی فسفۆر دەكەین ومەسەلەی ڕۆتین و سستی لەكارو ڕاییكردنی مامەڵەی هاووڵاتیان لەبەرێوەبەرایەتی پاسەپۆرتی هەولێر بوونی نییەو، ئەوەی كەگلەیی لەجەنجاڵی سەر بەڕێوەبەرایەتی ڕەگەزنامە دەكات ئەوانیش بەدوو شەفت كار دەكەن تاهیچ كەس گلەیی نەكات ، ڕۆژانە ژمارەیەك لەو هاووڵاتیانەی كەپاسەپۆرتیان وونكردووە یاخود پاسەپۆروتیان تێك چووە و تەڕ بووە سەردانیمان دەكەن ئێمەش لەڕێگەی ئەو ڕۆژنامەیەوە بەهاووڵاتیای ڕادەگەیەنین كە گرنگی بەهەڵگرتنی پاسەپۆرتەكانیان بدەن و بیپارێزن و لەگیرفانیان هەڵینەگرن و لەشوێنكی دڵنیا هەڵیگرن چونكە لەكاتی تەڕبوون وتێكچوونی پاسەپورت كێشە بۆهاووڵاتیان دروستدەبێت لەوحاڵەتەدا ئەوكەسانە دەبێ سەردانی بەغدا بكەن و كێشەكە لەلای ئێمەچارە سەرناكرێت ، بەپێی یاسای پاسەپۆرتی ساڵی 1999 هەركێشەیەك لەسەر پاسەپۆرت هەبێ، دەبێ ئەوكێشەیە یەك لایی بكرێتەوە لەبەغدا و ڕێكارە زەحمەت بوون، ئەوكەسانەی كەكێشەی تەڕبوون و تێكچوونی پاسەپۆرت و سوتان پێویستە سەرەتا داواكاریەك بۆ دادوەر بنووسن و ڕەوانەی یەكێك لەنوسینگەكانی دەكەن و لەپێش لێكۆڵێنەوە دەكرێت ئینجا نووسراوەكان هەموو دروستدەكرێ و دادوەر بڕیاری لەهەولێر پێ دەدات ئینجا دادوەری لێكۆلینەوە نووسراوێك ڕەوانەی دادگای كەتن لە كەڕادەی بەغدا دەكات ئەوكات لەبەغدا بریارێكی پێ دەردەچێت كەئەو كەسە پاسەپۆرتی دووبارە پێ بدرێت یاخود پێی نەدرێت ، جا ئەو هەموولێپرسینەوە وا دەكات كە ماندووبونێكی زۆری بوێت ، بۆیە داوا لەهاوولاتیان دەكەین كەهەرچەندەی دەتوانی پارێزگاری لەپاسەپۆرتەكانیان بكەن.
پێویست بوون
بەئامێری چاپ كردنی
دواتر عومەر بەرێوەبەرایەتی پاسەپۆرتی هەولێرمان پرسی ئایا ئامێرەكانی چاپكردنی پاسەپۆرت ماندوو نەبووەو پێویستی بەچاك كردنەوە نیە ؟
دووتاسێ خولمان لەشاری بەغدا كردووە و شارەزایی تەواومان پەیداكردووە وئەفسەرانمان شارەزاییان هەیە و بەرێك و پێكی كارلەسەرئەو ئامێرانە دەكەن ، ئەو ئامێرانە گرنگی پێدەدەن وخاوێنی ڕادەگرن ، بەڵام ئێمە ماوەی سێ ساڵە لەبەغدا هیچمان وەرنەگرتووە داوامان لەوەزیری ناوخۆ وەك هەر سێ بەرێوەبەرایەتی پاسەپۆرتی هەولێر و دهۆك و سلێمانی كردووە كە ئەو ئامێرانە كەڵكی كاركرنیان بەتەواوی نەماوە و پێویستە نوێ بكرێتەوە بەتایبەتی سكانەرەكان چونكە مامەڵەكان بەو سكانەرە ڕەوانەی بەغدا دەكەین بەجوانی دەرناچێت و هەندێ جار كارەكان ڕایی ناكرێن و داواكارین كەئامێری نوێمان بۆ دابینبكەن دیارە بەشارەزایی كارمەندان ئەفسەرانمان ڕۆژ لە دوای ڕۆژ كارەكانی پاسەپۆرت بەرەو پێشەوە دەڕوات و ڕۆتینی و ستی لەكارەكان نیەو لەناو بەرێوبەرایەتی پاسەپۆرت و لەفرۆكەخانەی نێودەوڵەتی هەولێر ئامێری پێشكەوتوو دابینكراوە وكێشەی ئەوتۆمان نییە شایانی باسكردن بێت، بەهۆی ئەو ئامێرە پێشكەوتووانە هیچ كەس ناوانێ بەپاسەپۆرتی ساختە گەشت بكات.
فسفۆر كردنی
ڕەگەزنامەو ناسنامەی باری شارستانی گرنگە
هەر سەبارەت بەراییكردنی مامەڵەی پاسەپۆرتی و ئیش و كارەكانی نووسینگەی دووی پاسەپۆرتی موقەدەمی ماف سابیر قادر محەمەد ئەمین ئەفسەری نوویسنگەی دوو پاسەپۆرت بۆخەبات وتی: بۆئەوەی جەنجاڵی لەسەر بەڕێوەبەرایەتی پاسەپۆرتی هەولێر نەمێنێ لە ڕۆژی 1 /3 / 2012 كرا بەدوو بەشی تا مامەڵەی هاووڵاتیان زووتر ڕایی بكرێت و جەنجاڵی نەمێنی ، دیارە نووسینگەی یەكی پاسەپۆرت بۆ ناو شاری هەولێركرابۆوە نوسینگەی دوو ش بۆ دەوروبەری شاری هەولێر دانراوەو، لەو ماوەیەی كەئەو نووسینگەیە كراوە تەوە توانراوە (42) هەزار پاسەپۆرت تەواو بكرێت بۆ هاووڵاتیان ، لەماوەی ئەو دوو مانگەی ئەمساڵیش تونراوە (2700)پاسەپۆرت تەواو بكرێت و هیچ كێشەیەكی ئەو تۆمان بۆ دروستەنەبووە تەنها هاووڵاتیان لەماوەی ئەمساڵ دەتوانن ناسنامەی باری شارستانی و ڕەگەزنامە نوێ بكەنەوە بۆ ڕەگەزنامەو ناسنامەی فسفۆری كە ئەمە ڕێنماییە تازەیە بۆیە داوا لە هاووڵاتیان دەكەین كەمامەڵەی پاسەپۆرتیان هەیە بەر لەوەی سەردانی ئێمە بكەن پێویستە ڕەگەزنامەو ناسنامەكانیان كردبێتە فسفۆری چونكە ڕێنمایی تازەیە و كاری لەسەردەكرێت ، جگە لەوە پێویستە كارتی زانیاریشیان هەبێت.
دواتر نەقیبی مافپەروەر ئیبتیهال عومەر عەلی ئەفسەری نووسینگەی پاسەپۆرتی یەكی هەولێر بۆخەبات ووتی : بەهەوڵ و كوششی دڵسۆزان و خەمخۆرانی بەكردنەوەی نووسینگەكانی پاسەپۆرت ئەوجەنجاڵیەی هەبوو ڕووی لە نەمان كرد و ئێستا جەنجاڵی نەماوەو ئەوكەسانەی كەدێن و داوای پاسەپۆرت دەكەن دەتوانن لەماوەی (25-30) دەقیقە مامەڵەكانیان بۆتەواو بكرێت و پەنجەمۆر بكەن و دوای (2-3) ڕۆژپاسەپۆرتەكانیا وەربگرنەوە داواش لەو هاووڵاتیانە دەكەین كە پاسەپۆرتیان تەواوكرا لەجیاتی خۆیان ڕەوانە نەكەن بۆوەرگرتنەوەی و هەوڵی وون بوون یاخود تێكچوونی پاسەپۆرتەكانیان نەدەن و پارێزگاری لێ بكەن لەبەرئەوەی كارەكانی ئێمە خێرا بووە جەنجاڵی نەماوە و ڕۆژانە (200-300)پاسەپۆرت تەواو دەكەین و ئاسانكاری تەواوی بۆ بكەین و لەكارەكانماندا هیچ جیاوازی لەنێوان هاووڵاتیاندا ناكەین و مامەڵەی هیچ كەسێكیش دواناكەوێت.
