‮ ‬15ـەمین ساڵیادی‮ ‬كوردستان تیڤی ‬یەكەمین تەلەڤزیۆنی‮ ‬ئاسمانیی‮ ‬سەر خاكی‮ ‬كوردستان پیرۆز بێت ‬

لە پانزەیەمین ساڵیادی دامەزراندنی كوردستان تیڤیدا، بە ناوی سەرنووسەر و تەواوی ستافی رۆژنامەی هەولێرەوە، پڕ بە دڵ پیرۆزبایی لە بەڕێوەبەری گشتی و تێكڕای ستافی ئەو كەناڵە ئاسمانییە كوردستانییە دەكەین و، ئومێدمانە ئەم بۆنە پیرۆزە ببێتە وەرچەرخانێك بۆ هەنگاوی مەزنتر و پێشخستنی بواری تەكنیك و پەیام و تەواوی بەشە جیاوازەكانی ئەم شاشە سەنگین و خۆشەویستە، كە بەر لە پانزە ساڵ وەك یەكەمین كەناڵی ئاسمانیی كوردی لەسەر خاكی ئازاد و رزگاركراوی نیشتماندا هاتە مەیدان و، بووە پێشەنگی میدیای كوردستانی.

كوردستان تیڤی لە ماوەی رابردوودا، خاوەنی خەرمانێك لە كار و خزمەت و بەجێگەیاندنی پەیامی سیاسی و میدیایی و ئەركی نەتەوەیی و نیشتمانی بووە، هەروەك روانگایەی درەوشاوەی بەرجەستەكردنی پەیام و هەڵوێستە سیاسییە نەتەوەیی و نیشتمانییەكانی سەرۆك مەسعود بارزانی بووە، هەر بۆیەشە بە شاشە راستگۆ و سەنگینەكە ناسراوە.

‮ ‬دامەزراندنی‮ ‬دەزگای‮ ‬سەتەلایتی‮ ‬كوردستان وەك‮ ‬یەكەمین تەلەڤزیۆنی‮ ‬ئاسمانی‮ ‬كە لەسەر خاكی‮ ‬كوردستان بەرنامەكانی‮ ‬پەخش بكات و پشت بە كادیری‮ ‬تەكنیكی‮ ‬و میدیاكارانی‮ ‬ناوخۆیی‮ ‬ببەستێت، رەهەند و مانای‮ ‬مەزنی‮ ‬لەگەڵ خۆیدا هێنا تا ئەو رادەیەی‮ ‬بە شۆڕشی‮ ‬سێیەم ناوزەد بكرێت‮، كوردستان تیڤی ‬تێپەڕاندنی‮ ‬قۆناغی‮ ‬لۆكاڵییەت بوو لە میدیای كوردیدا، گۆڕانكارییەكی مەزنیش بوو لە كوردستاندا، دووبارە لە هاوكارانمان بەرز و پیرۆز بێت یادی كوردستان تیڤی.