د. هێمن هه‌ورامی پیرۆزبایی سه‌رۆك بارزانیی گه‌یانده به‌رپرسانی باڵای ئیماڕات
هەولێر-KDP.info- د. هێمن هەورامی، ئەندامی ئەنجوومەنی سەرکردایەتیی پارتی دیموکراتی کوردستان، بە نوێنەرایەتیی سەرۆک مه‌سعود بارزانی، سەردانی کونسوڵخانه‌ی ئیماراتی لە هەولێر کرد و له‌لایه‌ن ئه‌حمه‌د ئیبراهیم ئه‌لزاهرى، كونسوڵی گشتیی ئیماڕات پێشوازیى لێكرا.
لە دیدارێكدا د. هێمن هه‌ورامی، له ڕێگه‌ی كونسوڵی گشتیی ئیماراته‌وه، په‌یامی پیرۆزبایی سەرۆک بارزانیی ئاڕاسته‌ی سه‌رکردایەتی و گەلی ئیماڕات كرد بەبۆنەی ڕۆژی نیشتیمانیی ئیماڕات و تێپه‌ڕبوونی ٥٠ ساڵ به‌سه‌ر سه‌ریه‌خۆیی ئیماڕاته‌وه.
هه‌ر له دیداره‌كه‌دا هەردوولا جەختییان لەسه‌ر گرنگیی پەرەپێدانی پەیوەندییه‌كانى نێوان هه‌رێمی كوردستان و ده‌وڵه‌تی ئیماڕات لە سەرجەم بوارەکاندا كرده‌وه.
-
-
