رێکخراوەکێ ب کوژمێ پتری حەفت ملیۆن دۆلاران دەرمان پێشکێشی ساخلەمیا دھۆکێ کرن

دھۆک- KDP.info-   رێکخراوا MAG یا نەرویجی ئەڤرۆ رۆژا ١٦/١٠/٢٠٢١ ب کوژمێ پتری حەفت ملیۆن دۆلاران دەرمان و پێدڤیێن ساخلەمیێ یێن گران بھا پێشکێشی رێڤەبەریا گشتی یا ساخلەمیێ ل پارێزگەھا دھۆکێ کرن.

د. ئەفراسیاب موسا، رێڤەبەرێ گشتی یێ ساخلەمیێ ل پارێزگەھا دھۆکێ د کونگرەکێ رۆژنامەڤانی دا دیار کر کو رێکخراوا MAG یا نەرویجی ئەڤە بۆ جارا چارێ یە د ئەڤ سالە دا ھاریکاریا ساخلەمیا پارێزگەھا دھۆکێ دکەت، رێکخراوا ناڤھاتی ئەڤرۆ ژی ب کوژمێ ٧.٨ ملیۆن دۆلاران دەرمان و پێدڤیێن ساخلەمیێ یێن گران بھا پێشکێشی رێڤەبەریا وان کرن.
ناڤھاتی ئاماژە دا وێ چەندێ کو ئەو دەرمانێن  ئەڤرۆ رێکخراوا MAG پێشکێشی ساخلەمیا دھۆکێ کرین یێن نەخۆشیێن پەنجەشێرێ و شەکرێ نە، ھەروەسا ھندەک چارەسەریێن  فشارا خوینێ و نەخۆشیێن دەرونی ژی دگەل دا ھەنە و گۆت: "د پلان دایە ھەتا دووماھیا ئەڤ سالە ھندەک بارێن دی یێن دەرمانان یێن کو ساخلەمیا دھۆکێ پێدڤی پێ ھەی ل دووڤ داخوازا مە ژ لایێ ڤێ رێکخراوێ ڤە بۆ پارێزگەھا دھۆکێ بھێنە دابینکرن".
رێوار محەمەد رەشید