قەزا بوونا باتیفا ژ لایێ جڤاتا پارێزگەها دهۆکێ ڤە هاتە پەسەندکرن

دهۆک-KDP.info- جڤاتا پارێزگەها دهۆکێ ئەڤرۆ رۆژا 10/2/2021 کۆمبوونا خۆ یا نە ئاسایی یا ژمارە (113) ل دۆر پەسەندکرنا قەزا بوونا باتیفا ل پارێزگەها دهۆکێ ئەنجامدا و ب تێکرایا دەنگێن ئەندامێن جڤاتا ناڤهاتی قەزابوونا باتیفا هاتە پەسەندکرن.

فەهیم عەبدوللا حەمو، سەرۆکێ جڤاتا پارێزگەها دهۆکێ د پرێس کۆنفرانسەکی دا ئاشکرا کر کو نوکە جڤاتا پارێزگەها دهۆکێ د بهێنڤەدانا خۆ یا وەرزێ زڤستانێ دایە، بەلێ ژ بەر گرنگیا بابەتێ قەزا بوونا باتیفا ل پارێزگەها دهۆکێ کو ئەڤە ژ هەیڤا بۆری وەرە کارگێریا پارێزگەها دهۆکێ ب نڤیسارا خۆ یا ژمارە (456) ئەڤ داخوازە ژ وان کربوو ژ بەر ڤێ چەندێ وان ئەڤرۆ ئەڤ کۆمبوونا نە ئاسایی ئەنجامدا و ب تێکرایا دەنگێن ئەندامێن جڤاتێ قەزا بوونا باتیفا هاتە پەسەندکرن.

ناڤهاتی ئاماژە دا وێ چەندێ کو ئەو دخوازن باتیفا ب قەزابوونا خوە پێشکەفتنەکا دی ب خوەڤە ببینیت و خزمەتەکا باشتر بۆ بهێتەکرن و گۆت: "هەمان داخۆازی بۆ کۆمەلگەها بێگۆڤا ژی هاتیەکرن کرن کو ببیتە ناحیە".

 

رێوار محەمەد رەشید