ئه‌ڤرۆ شه‌ش به‌ربژێر بۆ پۆستێن رێڤه‌به‌ریێن گشتی ل پارێزگه‌ها دهۆكێ هاتنه په‌سه‌ندكرن
دهۆك KPD.info- جڤاتا پارێزگه‌ها دهۆكێ كۆمبوونا خوه یا ئاسایی یا ژماره (106) ئه‌ڤرۆ رۆژا 1/9/2020 ل ده‌مژمێر 11:00 سپێدێ ئه‌نجام دا و تێدا ده‌نگدان ل سه‌ر په‌سه‌ندكرنا به‌ربژێران بۆ (شه‌ش) رێڤه‌به‌ریێن گشتی یێن پارێزگه‌ها دهۆكێ هاته‌كرن یێن كو ژ لایێ پارێزگه‌رێ دهۆكێ ڤه هاتینه به‌ربژێركرن.
ئدریس هه‌ركی، سه‌رۆكێ لیژنا یاسایی و ئاسایشێ ل جڤاتا پارێزگه‌ها دهۆكێ بۆ مالپه‌رێ فه‌رمیێ پارتی دیموكراتی كوردستان دیار كر كو ئه‌ڤرۆ جڤاتا پارێزگه‌ها دهۆكێ ده‌نگدان ل سه‌ر په‌سه‌ندكرنا به‌ربژێران بۆ هه‌ر ئێك ژ رێڤه‌به‌ریێن گشتی یێن (كاره‌ب، ساخله‌می، گه‌شت و گۆزار، چاندن، ئه‌وقاف و كاروبارێن ئایینی، ره‌وشه‌نبیری و هونه‌ری) یێن پارێزگه‌ها دهۆكێ ئه‌نجام دا، كو ئه‌ڤ شه‌ش پۆسته مافێ پارتی دیموكراتی كوردستانن.
ناڤهاتی ئاماژه دا وێ چه‌ندێ كو ناڤێن چه‌ندین به‌ربژێران یێن كو ژ لایێ پارێزگه‌رێ دهۆكێ ڤه بۆ پۆستێن (شه‌ش) رێڤه‌به‌ریێن گشتی یێن پارێزگه‌ها دهۆكێ هاتینه به‌ربژێركرن گه‌هشتبوونه جڤاتا پارێزگه‌ها دهۆكێ، به‌لێ پشتی د كۆمبوونا ئاسایی یا جڤاتا پارێزگه‌ها دهۆكێ دا ده‌نگدان هاتیه ئه‌نجامدان ب زوورینه‌یا ده‌نگێن ئه‌ندامێن جڤاتێ ناڤێن به‌ربژێران ب ڤی شێوه‌یی هاتنه په‌سه‌ندكرن: (شاكر مه‌حمود) بۆ پۆستێ رێڤه‌به‌رێ گشتی یێ كاره‌بێ ل پارێزگه‌ها دهۆكێ ب سه‌رجه‌مێ (28) ده‌نگان كو تێكرایا ده‌نگانه ل جهێ (خالد سالح) هاته په‌سه‌ندكرن، هه‌روه‌سا (د.ئه‌فراسیاب موسا یونس) بۆ پۆستێ رێڤه‌به‌رێ گشتی یێ ساخله‌میێ ل پارێزگه‌ها دهۆكێ ب سه‌رجه‌مێ (27) ده‌نگان ل جهێ (د. نزار عسمه‌ت) هاته په‌سه‌ندكرن، هه‌روه‌سا (د.خه‌یری عه‌لی ئوسو) بۆ پۆستێ رێڤه‌به‌رێ گشتی یێ گه‌شت و گۆزارێ ل پارێزگه‌ها دهۆكێ ب سه‌رجه‌مێ (28) ده‌نگان ل جهێ (عوبه‌یدوللا داود) هاته په‌سه‌ندكرن، هه‌روه‌سا (ئه‌حمه‌د جه‌میل) بۆ پۆستێ رێڤه‌به‌رێ گشتی یێ چاندنێ ل پارێزگه‌ها دهۆكێ ب سه‌رجه‌مێ (28) ده‌نگان ل جهێ (د.له‌زگین حه‌جی) هاته په‌سه‌ندكرن، هه‌روه‌سا (محه‌مه‌د خالد) بۆ پۆستێ رێڤه‌به‌رێ گشتی یێ ئه‌وقاف و كاروبارێن ئایینی ل پارێزگه‌ها دهۆكێ ب سه‌رجه‌مێ (26) ده‌نگان ل جهێ (د. سه‌میان عه‌بدولخالق) هاته په‌سه‌ندكرن، هه‌روه‌سا (ئه‌میر عه‌لی) بۆ پۆستێ رێڤه‌به‌رێ گشتی یێ ره‌وشه‌نبیری و هونه‌ری ل پارێزگه‌ها دهۆكێ ب سه‌رجه‌مێ (26) ده‌نگان ل جهێ (ئه‌یوب ره‌مه‌زان) هاته په‌سه‌ندكرن.
رێوار محه‌مه‌د ره‌شید
