دھۆک.. هه‌رسێ به‌ربژار شیان به‌ربه‌ستێ قانوونى ده‌رباز كه‌ن
دھۆک-KDP.info- سپێدەھیا ئەڤرۆ ب ئەنجامدانا کۆمبوونەکا فەرمی ژلایێ ئەنجۆمەنێ پارێزگەھا دھۆکێ ڤە، دەنگدان لسەر سێ بەربژێران ھاتە کرن ژ بۆ وێ چەندێ جێگرەکێ پارێزگارێ دھۆکێ بۆ کاروبارێن کارگێریێ بھێتە دیارکرن.
فەھیم عەبدولا سەرۆکێ ئەنجومەنێ پارێزگەھا دھۆکێ د کۆنگرەیەکێ رۆژنامەڤانی دا دیارکر: "ئەڤرۆ ئێكشه‌مبى ئەنجومەنێ پارێزگه‌ها دهۆكێ ب ئاماده‌بوونا پتریا ئه‌ندامێن جڤاتێ ئه‌ڤرۆ كۆمبوونا خۆ یا ژماره 95 ژ بۆ په‌سه‌ندكرنا به‌ربژارێن پۆستێ جێگرێ پارێزگارێ دهۆكێ بۆ كاروبارێن كارگێرى و قانوونى ئه‌نجام ا".
سەرۆکێ ئەنجومەنێ پارێزگەھا دھۆکێ دوپاتی ل وێ چەندێ ژی کر: "ئه‌ڤ كۆمبوونه كو یا تایبه‌ت بوو ب ده‌نگدانێ ل سه‌ر وان هه‌رسێ به‌ربژارێن جڤاتا سریانى كلدانى ئاشوورى، بۆ پۆستێ جێگرێ پارێزگارێ دهۆكێ بۆ كاروبارێن ئیدارى و كارگێرى و هه‌رسێ به‌ربژار شیان به‌ربه‌ستێ قانوونى ده‌رباز كه‌ن و ب ڤى ره‌نگێ ل خوارێ: شه‌معون شلیمۆن 25 ده‌نگ، ئاشوور سه‌ركون 19 ده‌نگ، ولیام تیودور 17 ده‌نگ".
گۆتژی: "ئەڤ ھەرسێ بەربژێرە ب پروفایلێن وان ڤە دێ بو ئەنجۆمەنێ وەزیران ھێنە رەوانەکرن تا کو ئەو بریارێ لسەر بدەن و جێگرێ پارێزگارێ دھۆکێ دیار بکەن".
