پەیامێک لە سەرۆکی هەرێمی کوردستانەوە
هەولێر-KDP.info- سەرۆکی هەرێمی کوردستان نێچیرڤان بارزانی پەیامێکی راگەیاند بە بەبۆنەی ساڵیادی شه‌هیدانی نه‌مری کیمیابارانی بالیسان، شێخ وه‌سانان و دۆڵی خۆشناوه‌تی که به‌رله ٣٣ ساڵ له ١٩٨٧/٤/١٦ بوونه قوربانیی ده‌سپێکی تاوانه‌کانی کیمیابارانی به‌عس له کوردستان.
سڵاو و دروود بۆ گیانی پاکی شه‌هیدانی نه‌مری کیمیابارانی بالیسان، شێخ وه‌سانان و دۆڵی خۆشناوه‌تی که به‌رله ٣٣ ساڵ له ١٩٨٧/٤/١٦ بوونه قوربانیی ده‌سپێکی تاوانه‌کانی کیمیابارانی به‌عس له کوردستان. به ڕێز و شکۆوه یادیان ده‌که‌ینه‌وه، سڵاو له خێزان و که‌سوکاری سه‌ربه‌رزیان.
