بارەگای بارزانی سەرەخۆشی لە خانەوادەی خاڵۆ بازیانی دەكات

بە ناوی خودای گەورە و میهرەبان

بەڕێزان لە خانەوادەی خوالێخۆشبوو ئەسعەد عەلی جەژنی

بە دڵگرانییەكی زۆرەوە هەواڵی كۆچی دوایی سەرلقی شۆڕش و پێشمەرگەی شۆڕشی ئەیلوولی مەزن (ئەسعەد عەلی جەژنی) ناسراو بە (خاڵۆ بازیانی)مان پێگەیشت.

خاڵۆ بازیانی و خانەوادە بەڕێزەكەی لە پێناو میللەتەكەیاندا قوربانییەكی زۆریان بەخشیوە و بەم بۆنە خەمناكەوە، هاوخەمیی خۆمان ئاڕاستەی خانەوادە بەڕێزەكەتان دەكەین و سەرەخۆشی لە ئێوە و خزم و دۆست و ئاشنایانتان دەكەین.

خودای گەورە ئارامی و دڵنەوایی بە هەموو لایەك ببەخشێت و خوالێخۆشبوو بە بەهەشتی بەرینی خۆی شاد بكات.

 

اناللە وانا الیە راجعون.

 

بارەگای بارزانی

22ـی10ـی2019