داستانا پردێ هەڤکێشە گهۆڕی
''داستانا پردێ ستاتۆیێ هەرێما کوردستانێ پاراست''
دهۆک -KDP.info- دوو ساڵ ب سەر داستانا پردێ دا دەرباز دبن، ئەو داستانە بوو یا کو شیایی هەرێما کوردستانێ ژ هەموو ئالییەکی ڤە بپارێزیت و پیلان و پلانێن داگیرکەران ژناڤ ببەت، کو ئەڤ داستانە ژ ئالیێ هێزێن پێشمەرگەیی ب سەرپەرشتیا ڕاستەوخۆیا سەرۆک بارزانی بوو.
داستانا پردێ، ل ٢٠ ئۆکتۆبەرا ساڵا ٢٠١٧ـی بوو، دوو ساڵ بەریا نها، هیزێن حەشدا شەعبی و ئیراقێ ب هەڤکاری و پاڵپشتیا چەندین هێزێن هەرێمی ئێرش بۆ سەر هەرێما کوردستانێ دەست پێ کر، د ڕووبڕووبوون و ئێرشان دا هێزێن پێشمەرگەیی هەموو مەترسی و ئێرشێن وان ژناڤ برن.
هیزێن ئیراقی و حەشدا شەعبی و میلیشایێن ل گەل نە بتنێ د دڤیان دپردێ دا دەرباز بن، بەلکوو هەم ژ ئالیێ رۆژئاڤایێ مووسل ژی ڤە کو سحیلا ژی ئێرش کرن، هەر دڤی بیاڤی ژی دا، عەقید ڕوکن مەروان عابد، دبێژیت: "لەشکەرکێشیا سەر پردێ و سحیلا دوو ڕەهەندێن جودا جودا هەبوون، هەم ژ ئالیێ رۆژئاڤا ڤە د خواستن رێیا دەروازێ ئیبراهیم خەلیل و دهۆکێ بگرنە دەست، هەم ژی دڤیان ناڤەندا باژێرێ هەولێرێ ژی بگرن، ئەوژی خەونا داگیرکەران بوو."
ناڤبری، ماستەر ب زانستێن لەشکەری هەیە، بۆ ماڵپەرێ فەرمیی یێ پارتی دیموکراتی کوردستان گۆت: ''ئەو هۆسان تێ گەهشتبوون دێ مینا کەرکووکێ ب ئاسانی تێپەر بن، بەلێ پێشمەرگەیی ب ستران و شەڕەکی گران شیان ئەوان تیک بشکێنن."
سەرۆک بارزانی د دەربارەی داستانا پردێ دا ڕاگەهاند: "دەما من زانی کو مەرەما وان داگیرکرنا تەڤاهیا کوردستانێ یە و دڤیان ئیرادەیا گەلێ کورد بشکینن، من ب فەرماندەیێن پیشمەرگەیی ڕاگەهاند، هەتا دلۆپا خوینێ مابێت دێ شەری کەین و، دێ مرین، بەلێ ناهێلین ئیرادەیا گەلێ کوردستانێ بشکینن."
بۆچی هەوڵێر؟
هەولێر ناڤەندەکا ستراتیژی و ستاتۆیەکی گرنگا کورد و هەرێما کوردستانێ یە بوویە، ژبەر وێ یەکێ ژی هەموو هیڤیا وان ئەو بوو کو ئەو ستاتۆیا ستراتیژی و گرنگا کورد نەمینیت.
د ئێرشێ دا چەکەکی گران و لەشکەرەکی زۆرێ ئیراقی و وەڵاتان هاتە بکارئینان، ژوانا ژی دبابەیێن ئەبرامز و هامەر و مودەرعێن ئەمەریکی و تۆپێن دوورهاڤێژ و کاتیۆشا و چەندین چەکێن گران، بەلێ پێشمەرگەیی ب سەرپەڕشتیا سەرۆک بارزانی پلانێن چەندین وەڵاتان ژناڤ بر و گۆر کرن، عابد گۆت ژی: ''داستانا پردێ ب سەرپەرشتیا سەرۆک بارزانی شیا هەموو پلانێن نیڤدەولەتی ل دژی هەرێما کوردستانێ ڕاوەستینیت."
"هەروەسان دیار ژی بوو، کو ئەبرامز و تانک و تۆپێن وان هاتنە ژناڤبرن و پاشڤەزڤرین ب وان هاتە کرن، ئەڤە ژی هیچ جارەکی نە دخەیالا وان دا بوو." مەروانی ل دوایێ وەسا گۆت.
کــاروان بــاعەدری
