نێچیرڤان بارزانى پیرۆزباهیا جه‌ژنا جه‌مایێ ل ئێزدییا كر
هەولێر-KDP.info- د په‌یامه‌كێدا ڕێزدار نێچیرڤان بارزانى، سه‌رۆكێ هه‌رێما كوردستانێ، پیرۆزباهیا جه‌ژنا جه‌مایێ ل خوشك و برایێن ئێزدى كر، ئه‌ڤه ده‌قا وێ یه:
جه‌ژنا جه‌مایێ ل هه‌مى خوشك و برایێن ئێزدى ل كوردستانێ و ل هه‌ر ده‌ره‌كا جیهانێ بن، پیرۆز دكه‌ین. هیڤیدارین ئه‌ڤ جه‌ژنه بۆ هه‌میا ب خێر و خۆشى ڤه‌گه‌ڕیت و جه‌ژن و هه‌لكه‌فتێن بێن، د ره‌وشه‌كا باشتردا بۆ ئێزدییا و هه‌مى كوردستانییان بگشتى ڤه‌گه‌ڕن.
ئیسال ژى جه‌ژن د ده‌مه‌كێدا تێت كو هێشتا ب ده‌هان هزار خوشك و براێن مه یێن ئێزدى ژیانا ئاواره‌ییێ د كه‌مپاندا ده‌رباز دكه‌ن و نكارن ڤه‌گه‌ڕنه سه‌ر مال و جهێت خۆ، بێترى سێ هزارا ژى هێشتا بێسه‌وشوینن و چاره‌نڤیسێ وان نه‌دیاره.
ئه‌م جاره‌كا دى خوشك و برایێن خۆ یێن ئێزدى پشتڕاست دكه‌ین كو هه‌ر چ ژ مه بێت دێ كه‌ین داكو ڤه‌گه‌ڕنه سه‌ر مال و جهێن خۆ یێن ئارام و ئاڤه‌دانكرى و هندى ئێك ئێزدى وندا مایه، دێ هه‌مى هه‌ولا بۆ ڤه‌گه‌ڕاندنا وان ده‌ین.
دوباره جه‌ما ل هه‌میا پیرۆز بیت، هه‌ر سال ب خێر و خۆشى.
نێچیرڤان بارزانى
سه‌رۆكێ هه‌رێما كوردستانێ
5/10/2019
