سبەی ئەنجومەنی وەزیران لەگەڵ فراکسیۆنە کوردستانییەکان کۆ دەبێتەوە
هەولێر-KDP.info- سبەی یەکشەممە (٢٠١٩/٩/٨ ) کۆبوونەوەیەکی هاوبەش لە نێوان سەرۆکی حکوومەتی هەرێمی کوردستان و جێگرەکەی و شاندێکی حکوومەتی هەرێم لەگەڵ فراکسیۆنە کوردستانییەکانی ئەنجومەنی نوێنەرانی عێراق بەڕێوە دەچێت.
سەرچاوەیەکی ئاگادار لە ئەنجومەنی وەزیرانی هەرێمی کوردستانەوە، کە نەیویست ناوی ببرێت، بە ماڵپەڕی فەرمیی پارتی دیموکراتی کوردستانی ڕاگەیاند: "سبەی، یەکشەممە (٢٠١٩/٩/٨ ) کۆبوونەوەیەکی هاوبەش لە نێوان سەرۆکی حکوومەتی هەرێمی کوردستان و جێگرەکەی و شاندێکی حکوومەتی هەرێم لەگەڵ فراکسیۆنە کوردستانییەکانی ئەنجومەنی نوێنەرانی عێراق بۆ گفتوگۆکردن لەبارەی کێشە هەڵپەسێردراوەکانی نێوان حکوومەتی هەرێمی کوردستان و حکوومەتی فیدراڵی لە بواری بودجە و دارایی و نەوت و گازەوە بەڕێوە دەچێت. پەرلەمانتارانى هەموو لایەنه كوردستانییەكانیش له كۆبوونەوەکەى بەیانیدا بەشدار دەبن."
