سەزای تەمەلی: سەرۆک بارزانی نەک تەنها بۆ کورد بەڵکو بۆ ناوچەکە گرنگە
هەولێر-KDP.info- سەزای تەمەلی، هاوسەرۆکی پارتی دیموکراتی گەلان (هەدەپە) رایگەیاند، بۆ سەردانکردنی سەرۆک بارزانی لە هەرێمی کوردستانن و دەیانەوێت پرسە گەرمەکانی ناوچەکەی لەگەڵ تاوتوێ بکەن.
راشیگەیاند: "سەرۆک بارزانی سەرکردەیەکی گرنگ و پێشەنگە. ئەو نەک تەنها بۆ کورد، بەڵکو بۆ سیاسەتی ناوچەکە گرنگە".
ئاماژەی بەوەشدا، ئەوان دەیانەوێت ئاشتی و سەقامگیریی لە ناوچەکە بەرقەرار بێت و هەوڵی چەسپاندنی دیموکراسی دەدەن. بۆ ئەمەش، چارەسەرکردنی پرسی کورد لە رۆژهەڵاتی ناوەڕاست هەنگاوێکی گرنگ دەبێت.
ئەمڕۆ شاندێکی باڵای هەدەپە بە سەردانێک گەیشتە هەولێر و بڕیارە لەگەڵ سەرۆک بارزانی، پەرلەمانی کوردستان و چەند پارت و لایەنێکی سیاسی کۆببێتەوە.
