ئیمام تاشچار: ئەمڕۆ شاندی هەدەپە یەكەم كۆبوونەوەی لەگەڵ سەرۆك بارزانی ئەنجام دەدات
باكووری كوردستان-KDP.info- سەركردەیەكی هەدەپە رایگەیاند، ئەمڕۆ شاندێكیان سەردانی هەرێمی كوردستان دەكات و چەندین كۆبوونەوە ئەنجام دەدەن.
ئیمام تاشچار، لە لێدوانێكیدا بۆ ماڵپەڕی فەرمیی پارتی دیموكراتی كوردستان گوتی، ئەمڕۆ شاندێكی سەرۆكایەتیی هەدەپە سەردانی هەرێمی كوردستان دەكات و یەكەم كۆبوونەوە لەگەڵ سەرۆك بارزانی ئەنجام دەدەن.
تاشچار، كە خۆی لەگەڵ شاندەكەیە، دەڵێ، مەبەست لە سەردانەكە تاووتوێكردنی پرسی سیاسیی ناوچەكە و باشتركردنی پەیوەندییەكانە لەگەڵ هەموو پارتە سیاسییەكانی كوردستان.
ئاماژەشی دا، ئەوان لەگەڵ سەرۆكی حكوومەت و سەركردە سیاسییەكان كۆدەبنەوە و دواتر سەردانی لایەنە سیاسییەكانی هەرێمی كوردستان دەكەن.
كــاروان بـاعەدری
