چوار سالێن داھاتی دێ دئێکلاکەر بن و بریارێن گرنگ ئێنەدان
دهۆک-KDP.info- گرنگە بزانین حکومەتا داھاتی دێ بو ماوەکی لسەر ھەمان بەرنامێ حکومەتا بەری نوکە چیت تاکو بابەتێ سەروکاتیا ھەرێمێ ئێکلا دبیت و کێشێن دناڤبەرا ھەرێمێ و بەغدا دچارچوڤێ رێکەفتنەکێ دکەڤنە سەر رێیا چارەسەریێ کو سەروک بارزانی د سەرەدانا خودا بو بەغدا ئەڤ چەندە ئێکلا کریە.
ل ٣-١٢-٢٠١٨ێ، ل کومبوونا سەرکردایەتیا پارتی دیموکراتی کوردستان کاک (مەسرور بارزانی) وەک بەربژێرێ پارتی بو پێکئینانا کابینا نوی یاحکومەتا ھەرێمێ ھاتیە دەست نیشانکرن و (نێچیرڤان بارزانی) بو سەروکاتیا ھەرێمێ ھاتیە بەربژارکرن و ھەر لوێ روژێ تا ئەڤرو زور پرس و بابەت ھاتینە تێکەلکرن، بۆ ڤێ ئێکێ د. سوزان ئامێدى، ماموستایا زانینگەهێ و بسبور دبوارێ سیاسیدا خویاکر:" سەرەرایی ھەمی فشار و قەیران و شەرێ دژە تیرۆرێ و بارگرانیا ئاوارا و قەیرانا دارایی و فشارێن بەغدا لسەر حکومەتا ھەرێمێ هەین، د کابینا حکومەتێ یابەری نوکە دا بریارێن گرنگ ھاتینەدان و شیان زورەک ژوان قەیرانا چارە بکەت، کو ھەرێما كوردستانێ ژ قوناغەكا مەترسیدار بەرەڤ قوناغەکا باشتر بر".
چاڤدێرێ سیاسى و یاساناس بەدرخان زاویتەیى بۆمالپەرێ فەرمیێ پارتى دیموکراتى گۆردستان گۆت:"گەلەک داخازی ژلایێ هەڤولاتیان ڤە ھاتینەکرن کو دڤێت حکومەتا داھاتی یاھەرێمێ لسەر راوستیت و کار لسەر بکەت، ژبەر هندێ ئەڤ چەندە ب بەرنامە دئێتەکرن بو پتر گرانکرنا بارێ کابینا داھاتی و حازرکرنا جادێ بو رووبەربونا وێ یان ژی بو وان ھیڤی و ئومێدێن بو خەلکی دروست بوین کو بارێ ئەمنی یێ ھەرێمێ و سەقامگیریا وێ، کۆ کاک مەسرور بارزانی بەرپرسێ ئێمناھیێ بو رەنگڤەدانا خو ھەبیت لسەر حکومەتا بهێت و بابەتێ خزمەتگوزاریا و چارەکرنا کێشا، ژبەر هندێ ئەڤ فشارێن ھەین دێ بارێ حکومەتێ زور گرانتر لێکەت و توشی بەرپسیارەتیەکا مەزنتر بیت".
چاڤدێرێ سیاسى زەلالکر:" ئەگەر دبەرنامێ حکومەتا داھاتیدا بریار ئەو بیت ژمارا وەزارەتان بێتە کێمکرن و جڤاتێن پارێزگەھا بێنە ھەلوەشاندن و جڤاتێن باژێرڤانیا بێنە خورتکرن و ببەرنامە و یاسا کار لسەر نەھێلانا گەندەلیێ بێتەکرن و بدروستی چاکسازی بچنە دبوارێ جێبەجێکرنێدا لوی دەمی پێدڤیە چەندین یاسا بهێنە راستڤەکرن و ھەلوەشاندن برێیا پەرلەمانی و ئەڤێ چەندێ ژی پێدڤی خاندن و تێگەھشتنن نوی ھەیە و رێکەفتنن نوی دناڤبەرا لایەنن سیاسیدا هەبیت و ئەڤە ژی دەمەکێ زور پێچیت تا دبنە یاسا و دەردکەڤن و دئێنە جێبەجێکرن".
یاساناس روونکر:" گرنگە بزانین حکومەتا داھاتی دێ بو ماوەکی لسەر ھەمان بەرنامێ حکومەتا بەری نوکە چیت تاکو بابەتێ سەروکاتیا ھەرێمێ ئێکلا دبیت و کێشێن دناڤبەرا ھەرێمێ و بەغدا دچارچوڤێ رێکەفتنەکێ دکەڤنە سەر رێیا چارەسەریێ کو سەروک بارزانی د سەرەدانا خودا بو بەغدا ئەڤ چەندە ئێکلا کریە، زێدەباری کێشێن مەزن یێن دەڤەرێ و فشارێن لسەر ئیرانێ و کێشێن ل پارێزگەھا سلێمانیێ ھەین و چارەنڤیسێ پارێزگەھا کەرکوکێ و دەڤەرێن مادێ ١٤٠ ژ دەستوری و ئاوارا".
د. سوزان ئامێدى ئاخفت:" كارێ حکومەت و سەروکاتیا ھەرێما كوردستانێ بو كابینا داھاتی دێ ئەنجامێن ریفراندومێ بن، کو ئەڤ پرسە ببیتە پرسەکا نیڤدەولەتی، كو ئەڤ چوار سالێن داھاتی دێ سالێن ئێکلاکەر بن و بریارێن گرنگ تێدا ئێنەدان، ئەڤە ئەگەر ئەم بزانین کو دەڤەر ھەمی یا دقوناغەکا زورا ھەستیار و مەترسیداردا دەرباز دبیت و ھەر چرکەیەکێ چاڤەرێ شەرێن مەزن دئێتەکرن رووبدەن و گرنگە ھەرێم یاپاراستی بیت و نەکەڤیتە بەرێ چ لایەنا بوان شەرێن دئێنە چاڤەرێ کرن ل دەڤەرێدا".
هەلز عەلى سەلیم
