بڵند مەلا: پەکەکە کەسوکاری پێشمەرگەی ڕۆژ دەڕفێنێت

ڕۆژئاوای کوردستان-KDP.info-  ئاسایشی پەکەکە لە ڕۆژئاوای کوردستان هەڵدەکەوتنە سەرماڵی کەسوکاری پێشمەرگەی ڕۆژ و بە گوتەی (بڵند مەلا)، دوێنێشەو شەش کەسیان ڕفاندووە.

پەکەکە لە ڕۆژئاوای کوردستان حوکمڕانییەکی زۆرەملێی ملیتاری دەکات و بەردەوامە لە هەڕەشەکردن لەو کەسانەی کوڕ و کچیان لەنێو پێشمەرگەی ڕۆژدان، دوێنێشەویش لە دێریکی ژمارەیەک ئەندامانی ئەنەکەسەیان ڕفاندووە.

(بڵند مەلا)، ئەندامی سکرتاریەتی یەکێتیی قوتابیانی کورد لە ڕۆژئاوای کوردستان بە ماڵپەڕی فەرمیی پارتی دیموکراتی کوردستانی ڕاگەیاند: ''ئاسایشی پەکەکە لە ڕۆژئاوای کوردستان شەوی ڕابردوو هەڵیکوتاوەتە سەر کەسوکاری پێشمەرگەی ڕۆژ و  شەش کەسی ڕفاندووە و لێپێچینەوەی لەگەڵدا کردوون و هەڕەشەیان لێ کردوون، کە دەبێ ڕۆژئاوای کوردستان جێ بێڵن.''

(بڵند مەڵا) ناوی ئەو شەش کەسەی ئاشکرا کرد، کە بریتین لە:

یەکەم: (ئەحمەد تحلۆ)، لە ناوچەی شکرخاج.
دووەم: (مراد حاجی جەمیل)، لە ناوچەی کردمییە.
سێییەم: (ئەبوو قەهرەمان)، لە ناوچەی عەین دیوار.
چوارەم: (عەبدولڕەحمان حەمی ــ ئەبوومەروان) لە ناوچەی کربالات.
پێنجەم: (ئەحمەد شێخی)، لە ناوچەی قلدیمان.
شەشەم: (نوورەددین قاسم)، لە ناوچەی کلهی.

کارزان سەباح هەورامی