نێچیرڤان بارزانی سەرەخۆشی لە نەوشیروان مستەفا ده‌كات
هه‌ولێر-KP.info- بەبۆنەی کۆچی دواییی (خاتوو شوعلە عەلی)، هاوسەری (نەوشیروان مستەفا)وه، (نێچیرڤان بارزانی) سەرۆکوەزیرانی هەرێمی کوردستان پەیامێکی سەرەخۆشی ئاراستەی بەڕێزیان كرد، ئەمە دەقەکەیەتی:
بەڕێز کاک نەوشیروان مستەفا،
ئەمڕۆ هەواڵی کۆچی دواییی خاتوو شوعلە عەلی، هاوسەری بەڕێزتانمان پێگەیشت، بەو بۆنەیەوە پرسە و سەرەخۆشی ئاراستەی بەڕێزتان و منداڵەکانتان و کەسوکار و خزمانی هاوسەری کۆچکردووتان دەکەین. خوای گەورە لە کۆچکردوو خۆش ببێت و دڵنەوایی و تەندروستیش بە ئێوەی بەڕێز ببەخشێت.
نێچیرڤان بارزانی
سەرۆکوەزیرانی هەرێمی کوردستان
17/3/2017
