بەڕێوەبەری ناحیەی سنوونێ: پەکەکە دەزانێت ئێزدییەکان لە چەواشەکارییەکانی گەیشتوون

شنگال- KDP.info- بەڕێوبەری ناحیەی سنوونی ڕایگەیاند، لە دوێنێشەوەوە هێزەکانی سەر بە (پەکەکە)، کەسانی سڤیل و سەربازی عەرەب لە حەسەکە و قامیشلۆوە دێننە کۆمەڵگەی خانەسۆر، بۆ ئەوەی لەدژی پێشمەرگە خۆپێشاندان بکەن.

 

(نایف سەیدۆ) بە ماڵپەڕی فەرمیی پارتی دیموکراتی کوردستانی ڕاگەیاند: ''بەیانیی ئەمڕۆ، خۆپێشاندان دەستی پێ کرد، پێشمەرگەیان بەردباران کرد و قسەی ناشرینیان بەرانبەر بە پێشمەرگە کرد و هەندێک لە پێشمەرگەکان و پۆلیسی چالاکیی مەدەنییان بریندار کرد.''

(سەیدۆ) گوتی: ''کاری (پەکەکە) تەنیا تیکدان و فیتنەیە. (پەکەکە) بۆچی کەسانی عەرەب دێنیت بۆ ئەوەی خۆپێشاندان بکەن.''

(سەیدۆ) گوتیشی: ''(پەکەکە) ژمارەیەک لە ئافرەتانی ئێزدی وەک قەڵغان بەکار دێنێت، بۆ ئەوەی هەرخۆی بڵێت پێشمەرگە کاری نادروست بەرانبەر ئێزدییان دەکات، چونکە (پەکەکە) دەزانێت ئێزدییەکان لە کارە چەواشەکارییەکانی (پەکەکە) تێگەیشتوون.''

کاروان باعەدری