پەرلەمان دوو بڕیاری لە بەرژەوەندیی جووتیارانی ھەرێم و عێراق پەسەند کرد

 

بەغدا-KDP.info-  لە کۆبوونەوەی ئەمڕۆی پەرلەمانی عێراقدا، دوو بڕیار لە بەرژەوەندیی جووتیارانی ھەرێم و عێراق پەسەند کران و، پێویستە لە ماوەی مانگێکدا ھەموو پارەی جووتیاران بۆ سێ ساڵی رابردوو خەرج بکرێت.

(ئیسلام حوسێن) پەرلەمانتاری پارتیی دیموکراتی کوردستان بە ماڵپەری فەرمیی پارتیی دیموکراتی کوردستانی راگەیاند "ئەمڕۆ پەرلەمانی عێراق دوو بڕیاری لە بەرژەوەندیی جووتیارانی عێراق و ھەرێمی کوردستان پەسەند کرد، لەوانە پێویستە ھاوشێوەی جووتیارانی عێراق پارەی جووتیارانی ھەرێمی کوردستان بدرێت و جیاوازیی نەکرێت و، بڕیار ی دووەم پێویستە لە ماوەی ٣٠رۆژدا حکوومەت پارەی جووتیارانی عێراق و ھەرێمی کوردستان بۆ ساڵەکانی ٢٠١٤ و٢٠١٥ و٢٠١٦بدات."

(ئیسلام حوسێن) گوتی، "ئەگەر حکوومەت ئەو بڕیارە جێبەجێ نەکات، وەزیرە پەیوەندیدارەکان بانگھێشتی پەرلەمان دەکرێن بۆ لێپرسینەوە، بە سەرۆکوەزیرانیشەوە."

بڵند ئیبراھیم