داعش تەلاری پارێزگای نەینەوای تەقاندەوە
مووسڵ-KDP.info- ئەمڕۆ چەكدارانی داعش تەلاری پارێزگای نەینەوایان تەقاندەوە و چەند فەرمانگەیەكی دیكەش سووتێندراون و خاپووركراون.
عسمەت ڕەجەب، بەرپرسی لقی چواردەی پارتی دیموكراتی كوردستان بە ماڵپەڕی فەرمیی پارتی ڕاگەیاند: "ئەمڕۆ چەكدارانی داعش لە ناوەڕاستی شاری مووسڵدا تەلاری پارێزگای نەینەوایان لە ناوچەی دەواسەدا تەقاندەوە، بەتایبەتی ئەو بەشەی پێشتر پارێزگاری نەینەوا تێیدا دەوامی دەكرد، داعش دەستی كردووە بە سووتاندن و تەقاندنەوەی فەرمانگە میرییەکانی شاری مووسڵ."
عسمەت ڕەجەب گوتیشی: "هەر ئەمڕۆ چەكدارانی تیرۆریستی داعش لە چەپەنگی شارەكەدا تەلاری فەرمانگەی پاسپۆرتی مووسڵیان تەقاندەوە؛ هەر ئەم بەیانییەش فەرمانگەی باری شارستانی و هی ڕەگەزنامەی نەینەوایشیان بە تەواوەتی سووتاند."
قائید میرۆ
