عەبادی چاوەڕێی بڕیاری دادگایە.. هێشتا سەندنەوەی متمانە لە وەزیرەکان تەواو نەبووە
به‌غدا-KDP.info- ئه‌ندامە كوردێکی ئه‌نجوومه‌نى نوێنه‌رانى عێراق دەڵێت سه‌رۆكوه‌زیرانى عیراق بۆ پێشكه‌شكردنى كاندید بۆ وه‌زاره‌ته‌كانى چاوه‌ڕێى بڕیارى دادگا ده‌كات له‌باره‌ى تانه‌ى وه‌زیره‌كانى به‌رگرى و دارایى."
(سه‌رحان ئه‌حمه‌د سلێڤانه‌یى) به ماڵپه‌ڕى فه‌رمیى پارتی دیموكراتى كوردستانی راگەیاند: "سه‌رۆكوه‌زیرانى عێراق چاوه‌ڕێى بڕیارى دادگاى باڵاى فیدراڵى ده‌كات ده‌رباره‌ى وه‌زیرى به‌رگرى و، هی دارایى كه تانه‌یان له بڕیار و دانیشتنه‌كانى پەرلەمان داوه تا بزانێت ئاخر بڕیارى دادگا چییه؟"
ئه‌و ئه‌ندامه‌ى لیژنه‌ى دارایى گوتیشى: "دواى بڕیارى دادگاى باڵاى فیدراڵ، سه‌رۆكوه‌زیرانى عێراق ئینجا ناوى كاندید بۆ وه‌زاره‌ته به‌تاڵه‌كانى حكومه‌ته‌كه‌ى پێشكه‌ش به په‌رله‌مانى عێراق ده‌كات بۆ ئه‌وه‌ى متمانه‌یان پێ بدرێت."
نەشوان بەرزنجی
